Información
Vigo

O Concello habilita canles de atención e asesoramento para os afectados polo afundimento no Porto

Información
18 Agosto 2018 448 votos
1 1 1 1 1 1 1 1 1 1

Caballero anunciou a próxima creación dun gabinete de atención psicolóxica e dunha oficina de orientación a vítimas e familiares, ademais de manter o 986810101 con atención as 24 horas. Este luns, o alcalde agradeceu persoalmente a "profesionalidade e heroicidade" dos corpos de seguridade que actuaron na noite do domingo, recoñecemento que fixo extensivo aos sanitarios, 061 e hospitais.

 

 O Concello de Vigo ultima os trámites para habilitar un gabinete de atención psicolóxica para as vítimas e afectados polo accidente e unha oficina no Concello de orientación para o que precisen -obxectos perdidos, xestións administrativas, asesoramento xurídico, etcétera-.

Así informouno esta mañá o alcalde, quen recordou que sigue habilitado o teléfono 986810101 de atención aos afectados, un punto de información e atención unificado que está dispoñible as 24 horas do día.

 O alcalde recibiu este luns na Alcaldía aos membros da Policía Local, Bombeiros e Protección Civil, e visitou á sede da Policía Nacional e da Garda Civil para trasladar o seu agradecemento e recoñecemento polo traballo "excepcional" realizado na noite do domingo, cando un peirao portuario se afundiu durante un concerto do festival O Marisquiño. Caballero estivo acompañado pola presidenta da Deputación, Carmela Silva, o delegado de Zona Franca, David Regades, a subdelegada do Goberno, Maica Larriba, o segundo tenente de alcalde vigués, Javier Pardo, e o concelleiro de Seguridade en funcións, Ángel Rivas.

 O alcalde, que logo da visita aos corpos de seguridade visitaba novamente aos feridos que continúan ingresados na cidade -tres no Álvaro Cunqueiro e un en Santiago-, eloxiou a "profesionalidade e heroicidade" dos efectivos de seguridade, que foron "máis aló do cumprimento do seu deber". Caballero fixo extensivo o seu agradecemento aos sanitarios que atenderon in situ aos feridos e tamén recoñeceu o desempeño dos distintos hospitais. O seu agradecemento foi "moi especial" ao 061, cuxo traballo foi "magnífico".

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...