Información

As visións física e histórica sobre o botafumeiro cautivan aos asistentes dos Luns do Ateneo

Información
XornalGalicia 08 Noviembre 2016 5172 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

2IMG 20161107 210219O botafumeiro foi o protagonista dunha nova edición dos Luns do Ateneo, organizado polo Ateneo compostelá co nome ‘A ciencia que seduce á arte’. Os outros protagonistas, os conferenciantes, foron dous eruditos nas súas materias: Ricardo Vázquez, profesor de Física na USC, e Julio Vázquez, profesor de Historia da Arte na mesma universidade.

O salón de actos da Rúa do Vilar encheuse para ouvir falar dun elemento tan fundamental para Santiago como o botafumeiro. Julio Vázquez achegou datos históricos para coñecer os comezos deste elemento. A primeira vez que se fala do botafumeiro data "de 1426", como comentou o profesor. Aínda así, constatou que este primeiro comentario sobre o incensario non é determinante para saber cando foi a súa estrea. Aínda así, todo indica que este se produciu "entre o 1398 e o 1426". A data exacta podería situalo no 25 de xullo ou 30 de decembro de 1423, tres anos antes do primeiro Ano Santo.

Tamén se falou do primeiro propósito á hora de instalar este gran aparato na catedral compostelá, era "o de purificar o ambiente", afirmou. O interese polo gran incensario databa xa do Romanticismo, dun elemento que non se modernizou no apartado tecnolóxico nos seus case 600 anos de historia.

Despois chegou a quenda da física. O principal era coñecer o efecto que realiza o botafumeiro cando se pon en marcha. Ricardo Vázquez explicou o coñecido como resonancia paramétrica, un efecto parecido "ao dun neno balanceándose a si mesmo". As fórmulas matemáticas saíron tamén á palestra, ademais das explicacións de que a altura da Catedral, sobre 20 metros, era fundamental en cuestións como o número de tiraboleiros ou o ángulo que podía alcanzar. O físico afirmou que "nun lugar como O Vaticano, con 100 metros de altura, sería imposible coas súas características".

Notábase que era un elemento querido polos composteláns, e a cidade respondeu: bastantes persoas seguiron a conferencia de pé. A tarde rematou cunha ampla quenda de preguntas nas que o propio público participou nas respostas. O decano da Facultade de Ciencias da Comunicación, Xosé Ramón Pousa, presente no acto, transmitiu a súa experiencia como tiraboleiro e contou anécdotas sobre a peza.

O próximo luns será a quenda de Castelao, coa conferencia ‘As Teorías Artísticas de Castelao’. A charla correrá a cargo de Miguel Anxo Seixas, historiador e vicepresidente da Fundación Castelao, a partir das 20 horas na Rúa do Vilar, 19.

Celta B pón a sexta en Abegondo (1-3)

O Celta B encadeou a súa sexta vitoria consecutiva este domingo en Abegondo e, a falta de pecharse...

El Deportivo de Escotet el Venzolano se queda a un paso del título y de la Fase de Ascenso

    El Deportivo  hizo los deberes en la última jornada de liga en el grupo 1º de Se...

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..
Otros articulos relacionados.....