Información
PSdeG-PSOE:

O SECRETARIO XERAL DO PSdeG DE OURENSE, RAÚL FERNÁNDEZ, SOLICITA A ANULACIÓN DA LISTA APROBADA POLA COMISIÓN FEDERAL DE LISTAS DO PSOE.

Información
Elecciones municipales de Galicia 22 Agosto 2016 1373 votos

Fernández insta a que se manteña a proposta aprobada polo Comité provincial de Ourense, que garante o respecto da vontade da militancia da provincia e a observancia das normas estatutarias.

Ourense, 21 de agosto de 2016. O Secretario Xeral da Comisión Executiva Provincial do PSdeG-PSOE de Ourense, Raúl Fernández Fernández, vén de presentar un recurso perante da Comisión Federal de Listas do Partido Socialista Obrero Español, polo procedemento que se seguiu para a aprobación da lista que presenta o PSdeG-PSOE pola provincia de Ourense aos vindeiros comicios autonómicos do 25 de setembro. No documento presentado, tamén ante a Comisión Xestora Nacional do PSdeG, a Comisión Nacional de Garantías Electorais e remitido ao Secretario de Organización Federal, César Luena; faise constar a vulneración da normativa orgánica da selección dos e das candidatos e candidatas, polo que se solicita a anulación da lista aprobada pola Comisión Federal de Listas do PSOE e o mantemento da lista aprobada polo Comité Provincial do PSdeG-PSOE de Ourense, celebrado o pasado 29 de xullo.

O recurso defende que a lista aprobada polo Comité Provincial de Ourense, órgano democráticamente elexido, non só garantía a representatividade social e os criterios de mérito e capacidade que marcan os Estatutos do partido e a normativa de elección de cargos públicos, senón que era unha proposta que reflectía o sentir das consultas efectuadas nas asambleas das Agrupacións locais de toda a provincia de Ourense, celebradas, previamente.

Na proposta aprobada polo Comité provincial de Ourense, garantíase o equilibrio territorial, a través da representación equitativa das comarcas e localidades que conforman a provincia, nunha lista pechada e cremalleira.

O Secretario Provincial do PSdeG-PSOE, Raúl Fernández, por tanto, non comprende a vulneración producida ao non respectarse, non só a vontade das consultas efectuadas aos militantes da provincia de Ourense e a decisión da Executiva provincial e do Comité provincial, senón os propios mecanismos cos que conta o partido para a aprobación das listas de candidatos-as.

Ante a ausencia dunha Comisión Executiva Nacional Galega e a súa sustitución por unha Xestora, que leva meses sen convocar ao máximo órgano de dirección do partido entre Congresos, o Comité Nacional Galego; a Secretaria Xeral provincial representada por Raúl Fernández, debe, estatutariamente, encargarse da política xeral do partido adaptada ás especificidades da provincia.

Así mesmo, é esta Executiva provincial e o Comité Provincial os que debe determinar cales son os candidatos e candidatas máis idóneos para seren incluídos na lista do PSdeG-PSOE pola provincia de Ourense, tal como se fixoe recollen os estatutos do PsdeG e do PSOE

Do mesmo xeito, Raúl Fernández engade que nin a Comisión Nacional de Listas do PSdeG nin o Comité Nacional Galego, en vigor ata ao vindeiro Congreso Nacional, se reuniron para ditaminar as propostas das provincias e, polo tanto, o cambio nas mesmas non conta coas mínimas garantías nin é fiel ao que establecen tanto os Estatutos galegos coma os federais.

Polo tanto Raúl Fernández, en calidade de SX provincial, solicita a anulación da lista proposta pola Comisión Federal de Listas e o mantemento da proposta aprobada polo Comité Provincial de Ourense, toda vez que, o proceso de elaboración da mencionada lista foi, escrupulosamente, respectuoso co sentir e coas demandas de todas as agrupacións municipais. Respectouse e garantiuse, dende a dirección provincial do partido socialista en Ourense, a vontade expresada polas asembleas locais nas propostas e votacións realizadas, sen que se recibira reclamación algunha e materializouse, a vontade dos e das afiliados-as, nunha lista que incluiu a representantes de todas as sensibilidades do partido combinando renovación e territorialidade.



Comunicado a afiliado@s y opinión pública en general.

Ante numerosos requerimientos periodísticos y por parte de Asociaciones de...

Cs A Coruña denuncia el incumplimiento reiterado del programa electoral de La Marea

Cs A Coruña denuncia el incumplimiento reiterado del programa electoral...

Primarias Podemos Galicia - Procesos municipales en todo el estado. LA ULTIMA OPORTUNIDAD

En Xuntos creemos que estamos ante la última oportunidad de...

esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi