Información
Portada

O Celta B presenta a súa candidatura ao ascenso (2-0)

Información
20 Mayo 2018 921 votos
1 1 1 1 1 1 1 1 1 1
 
 

Valiosa vitoria do Celta B ante o Marbella. Os de Albés adiantáronse na idea da primeira eliminatoria polo ascenso a Segunda División con dous grandes tantos de Drazic e Juan Hernández.

Foi un partido complicado, duro, no que os celestes demostraron calidade e entrega a partes iguais.

O filial exhibiu madurez, calidade e carácter na primeira parte do duelo ante o Marbella. Os celestes presentaron a súa candidatura ao ascenso desde o primeiro minuto, dominando o partido e lanzándose de cheo cara á portaría rival.

A proposta valente de Albés viuse recompensada ao quince minutos de xogo co primeiro tanto vigués, un disparo de Drazic desde fóra da área que se coou ao fondo da rede. Apenas uns minutos despois, Barreiro entrou en éxtases. Tras unha excelente xogada combinativa, Kevin cedeu o balón ao segundo pau para o remate de primeiras de Juan Hernández. Tremendo o tanto do atacante galego. Os últimos vinte minutos do primeiro tempo o filial celeste perdeu frescura e, en consecuencia, a posesión do balón. O Marbella fíxose co control do esférico e roldou a portaría olívica, pero sen maiores consecuencias.

Na segunda parte o Celta cedeu o protagonismo ao cadro visitante. Os andaluces gozaron de varias ocasións para recortar distancias, dúas delas moi claras salvadas pola defensa céltica sobre a liña de gol. O filial, cuns poucos escintileos en ataque, resistiu as arremetidas do rival. No tramo final do partido, o Marbella resentiuse fisicamente e o Celta lanzouse en busca do terceiro. Non chegou. O sacrificio dos xogadores celestes permitiu conservar a renda do primeiro tempo e finalizar con vitoria, e sen goles en contra, a ida desta primeira eliminatoria polo ascenso.

FICHA TÉCNICA

2-CELTA B: Sotres, Kevin, Ros, Alende, Agus, Rai, Álex, Brais (Pastrana, min.78), Juan Hernández (Aarón Rey, min.86), Drazic (Dani Molina, min.40), Dennis.

0-MARBELLA: Wilfred, Carlos Julio, Peris, Alonso, Catena, Javi (Chus, min.65), Corpa, Luis, Ferrón (Indi, min.65), Álex, Añón (Otín, min.80).

Goles: Drazic (1-0, min.14); Juan Hernández (2-0, min.17).

Árbitro: Pardeiro Puente, do comité cántabro. Amonestou a Rai (Celta B); Luis, Peris, Carlos Julio, Otín (Marbella).

Campo: Barreiro (2.500 espectadores).

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...