Información
Portada

Escollemos o 14 de febreiro para rachar cos mitos do amor romántico que fomentan a desigualdade entre homes e mulleres

Información
15 Febrero 2018 1232 votos

A Biblioteca Rego da Balsa, que foi escenario este mércores da performance “O amor non sempre triunfa”, acollerá en marzo as segundas Xornadas Guerrilleiras

 

Os mitos sobre o amor romántico, a omnipotencia do amor ou a media laranxa crean relacións de desigualdade entre homes e mulleres que, en moitos casos, son a antesala da violencia de xénero. Desde o Centro de Información ás Mulleres (CIM) quérese rachar con eses mitos, e por iso a elección do 14 de febreiro para poñer en escena a performance O amor non sempre triunfa non foi casual.

No primeiro andar da Biblioteca Rego da Balsa, un grupo de alumnas e alumnos de Maxisterio da USC representaron catro situacións nas que, efectivamente, o amor non triunfou, senón que xerou esas situacións de desigualdade e de violencia que desembocaron na morte das protagonistas. Como decorado utilizaron recortes de prensa relacionados coa violencia de xénero e carteis feitos a man co número de teléfono 016, de atención ás vítimas de maltrato.

Despois da performance abriuse un coloquio entre o público -integrado na súa maioría por mulleres, entre elas a concelleira de Igualdade e Benestar, Maica Ures-  e o profesor de Socioloxía da USC Jorge García Marín, experto en temas de xénero. A charla animouse ata o punto de que se prolongou ata case as 21.00 horas.

A Biblioteca Rego da Balsa será escenario en marzo das segundas Xornadas Guerrilleiras, un compendio de actividades que se levarán a cabo arredor do Día da Muller e que están orientadas a resaltar a figura da muller na cultura, a ciencia e o progreso da sociedade, así como a dar cabida a artistas, creadoras e pensadoras do ámbito local e a crear un debate na sociedade como paso imprescindible para progresar en materia de igualdade.

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 


Otros articulos relacionados.....