Información
Portada

Esquerda Unida acusa ao PP de desinformar e ter unha actitude de total desinterese sobre o problema do lindano presente no Porriño

Información
13 Enero 2018 1540 votos
1 1 1 1 1 1 1 1 1 1

A Valedora do Pobo vén de comunicar a EU-Son O Porriño que, ata o momento, nin a Xunta de Galicia nin o Concello lle facilitaron a documentación requirida sobre os informes de contaminación por lindano solicitados “a pesar de ser a súa obriga”.

Compostela, 13 de xaneiro de 2018. Esquerda Unida denuncia o abandono e desleixo, por parte do Goberno galego, fronte á catástrofe ecolóxica e sanitaria derivada da contaminación continuada de lindano, durante máis de 50 anos, na comarca de O Porriño. Esta preocupante actitude de desinterese é a que agora vén de corroborar a Valedora do Pobo que comunicou a EU-Son O Porriño que, ata o momento, nin a Xunta de Galicia nin o Concello lle facilitaron a documentación requirida sobre os informes de contaminación por lindano solicitados “a pesar de ser a súa obriga”.

 

A coordinadora de Esquerda Unida, Eva Solla, reitera que “a falta de resposta dos informes solicitados á Consellería de Medioambiente e á Consellería de Sanidade pon de manifesto a situación de abandono total da administración de cara á veciñanza nun problema que debera ocupar á Xunta de Galicia as 24h. do día, xa que o lindano é un produto canceríxeno moi tóxico que non debe ser tocado nin inhalado”.

Debido á gravidade dos feitos e ás preocupacións da veciñanza, a deputada de En Marea, Eva Solla xa esixiu no Parlamento de Galicia que a Consellería de Sanidade considere a contaminación de lindano como “un asunto de saúde pública de primeira magnitude”. “Vemos asombradas como segue sen importar unha veciñanza abandonada e maltratada polas diferentes administracións que parece que non son capaces de artellar unha estratexia conxunta para darlles unha solución” tal como prometeu a conselleira de medioambiente no Parlamento de Galicia tamén no relativo á retirada e encapsulación  do lindano.

Dende Esquerda Unida esiximos a implicación das diferentes administracións para paliar este problema ecolóxico e sanitario, que require dunha resposta inmediata que vaia máis alá de pechar os pozos de auga contaminados dos que a veciñanza leva anos abastecéndose. Precisamente, pola natureza do  tóxico, é necesario que se avalíe a exposición da poboación que se dea unha resposta aos veciños e veciñas da zona, que se demanden as responsabilidades que correspondan (penais, administrativas e políticas) aos causantes da contaminación e se destinen, dende os gobernos central e autonómicos, os orzamentos necesarios para levar a cabo accións efectivas.

lineaazul 1600

Otros articulos relacionados.....

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...

O sábado 19 en sesión de tarde e o domingo 20 en dobre sesión...