Información
Portada

Os Reis Magos reparten doces e ilusión en Lugo ante a atenta mirada dunhas 50.000 persoas en todo o seu percorrido

Información
07 Enero 2018 2269 votos
1 1 1 1 1 1 1 1 1 1

Os Reis Magos repartiron esta tarde doces e ilusión en Lugo ante a atenda mirada de 50.000 persoas en todo o percorrido da cabalgata. Tras a súa chegada á Praza Maior, a Alcaldesa de Lugo, Lara Méndez, acompañada doutros membros da Corporación Municipal, deu a benvida á cidade aos Magos de Oriente. Posteriormente, a rexedora acompañou a Melchor, Gaspar e Baltasar ata o despacho, onde lles agasallou distintos exemplares de libros editados polo Concello.

 Pola súa banda, os Reis Magos regaláronlle á Alcaldesa diñeiro, posto que o Concello non consta dun orzamento, e é necesario para desenvolver actuacións na cidade, así como material en contra da lacra da violencia de xénero e unha ponte, capaz de unir a cidade e co desexeo de que una a Lugo co tren. Logo, e xa dende o balcón, Melchor dirixiuse a todos os cativos e cativas que agardaban na Praza Maior.
Lara Méndez desexoulle a todos os lugueses e luguesas na noite máis esperada do ano que se cumpran os desexos de todos e cada un deles, desexos que, por conseguinte, serán de Lugo. Pola súa banda, os Reis Magos desexáronlles a todos os presentes, e especialmente os cativos e cativas, un bo futuro "o tesouro máis valioso que temos, moito máis que calquera dos nosos agasallos", e convidaron aos máis pequenos e pequenas a seguir os consellos de pais e nais, "que sempre procurarán levarvos polo camiño correcto para que medredes sendo responsables e cariñosos".
No encontro, no que participou unha comitiva dunhas 300 persoas, repartíronse máis de 2.000 quilos de caramelos, todos eles sen gluten. Así mesmo, os Reis Magos agasallaron aos máis cativos con 3.000 paquetes de lambetadas, a todos os nenos e nenas que lles quixeron trasladar as súas peticións.
Na xornada, coa que colaboraou Coca-Cola, Abanca, Gadis, Caixa Madrid, Óptica De La Torre, o Centro Comercial As Termas e Carrefour, estiveron presentes catro carrozas, unha por rei e unha deseñada por Corazón Artesáns. A tarde estivo amenizada por grupos teatrais e musicais de Lugo, entre eles os nenos e nenas que participaron no obradoiro de panxoliñas organizado polo Concello no Vello Cárcere ao longo do Nadal, impartido por Belem Tajes, actual cantante de Luar na Lubre, quen tamén estivo presente na actuación.

lineaazul 1600

Otros articulos relacionados.....

El próximo domingo 20 de enero el Club Waterpolo Pontevedra se...

O sábado 19 en sesión de tarde e o domingo 20 en dobre sesión...

A CIG súmase á campaña "Mañá podes ser ti" promovida por...

O evento, que terá lugar o vindeiro sábado, 19 de xaneiro,...