Información
Portada

Máis de 80 docentes e investigadores do ámbito territorial da USC demandan a Xunta (PPdeG) unha nova política para o rural galego

Información
09 Noviembre 2017 7009 votos
1 1 1 1 1 1 1 1 1 1


Grupo de docentes e investigadores da USC asinantes do manifesto 'Por unha política para o rural galego'

Máis de oitenta profesores e investigadores da USC que traballan en diversas áreas de coñecemento ligadas ao ámbito territorial demandan unha nova política para o rural galego, se recolle no manifesto ‘Por unha nova política para o rural galego’, presentado este mércores por un grupo de docentes no edificio de Vicerreitorías de Lugo.

 

Os profesores da USC Dolores Vázquez, da área de Ecoloxía, e Emilio Díaz Varela, do departamento de Enxeñaría Agroforestal, foron os responsables de poñer voz ao manifesto ‘Por unha nova política para o rural galego’, un documento a través do que os asinantes achegan as súas opinións e propostas para contribuír a acadar unha solución á problemática derivada dos incendios.

 

 

O manifesto recolle a disposición destes docentes e investigadores ligados profesionalmente ao medio rural a contribuír desde as súas respectivas áreas de traballo a solucionar a desfeita provocada polos incendios e a traballar para que esta situación non se volva a producir. O texto reflicte a vontade dos asinantes de manifestar que non concordan coas diagnoses maioritariamente difundidas do acontecido e sitúan a discusión pública dos lumes na existencia ou non de incendiarios ou na pouca eficiencia nos procesos de extinción.

 

“Cremos que os incendios non son a causa, senón unha das consecuencias dun problema de aínda maior calado: o abandono das áreas rurais”, salientan os asinantes deste manifesto, para os que a solución pasa por realizar análises máis profundas e que deben integrar obrigatoriamente unha perspectiva territorial e non sectorial.

 

Daquela, o manifesto ‘Por unha nova política para o rural galego’ inclúe a esixencia dun cambio de rumbo nas políticas territoriais, en especial na forestal e agrogandeira, xa que, segundo apuntan, ambas téñense demostrado ineficaces á hora de avanzar cara un rural vivo. As áreas rurais necesitan recursos económicos, pero tamén actuacións que poden ser difíciles de aceitar para unha parte importante da poboación. A ordenación do territorio, a planificación de usos do solo, o establecemento de normas ambientais efectivas van precisar de consenso político e social. Os e as que asinantes deste texto reivindican que se traballe na consecución de consenso, implicando para iso no debate ao conxunto da sociedade.

lineaazul 1600

Otros articulos relacionados.....

FranquiAtlántico, el Salón de franquicias de referencia en el...

- Trátase da 4ª edición desta carreira de aventuras por equipos...

A secretaría das Mulleres da CIG presentou esta mañá, en...

Destacado Campionato de Galicia de lanzamentos longos Sub16/18/20...