Que nos devolvan o roubado, o Pazo de Meirás é do pobo!

XornalGalicia  01 Septiembre 2017  607 votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Na comparecencia ante os medios de comunicación, o parlamentario nacionalista tamén esixiu da Xunta “unha resposta contundente” sobre o Pazo de Meirás e a utilización da Fundación Franco dun espazo que debe volver a ser público, propiedade do pobo galego e non  da familia do ditador.

Bará que onte participou na toma simbólica que o BNG fixo do Pazo de Meirás reiterou  que os gobernos do PP e a Xunta de Galiza manteñen unha actitude “tolerante e conivente” coa familia Franco, a Fundación e a situación do Pazo  que cualificou de “anómala” e que descobre as “vergoñas da Transición”, o roubo, espolio e grande corrupción que está detrás da súa expropiación aos propietarios. O deputado explicou que a familia Franco conta con privilexios e títulos nobiliarios  concedidos polo Rei Juan Carlos I o 26 de novembro de 1975, seis días despois da morte do ditador. Ese día, concedese con carácter vitalicio o Señorío de Meirás a Carmen Polo e a pesar de ser vitalicio foi reclamado polo neto de Franco e posteriormente o título segue en posesión da neta.

Por “decencia democrática e dignidade”, manifestou o nacionalista, temos que extirpar do noso país “ese refugallo do pasado” que estamos a vivir coa familia Franco e  con Meirás. Dende o BNG queremos establecer ao redor de Meirás “un cordón sanitario, democrático, antifascista” e esiximos ao Partido popular que rompa con esa posición de “ambigüidade” e que diga de que lado está, “do lado da democracia ou do lado da complicidade co franquismo”.

A portavoz nacional do BNG, Ana Pontón avanzou hoxe a denuncia ante diversas instancias internacionais  pola “aberrante” utilización  e xestión das visitas ao Pazo de Meirás pola Fundación Franco.

Ana Pontón  compareceu ante os medios de comunicación, xunto a portavoz desta forza política en Europa, Ana Miranda quen anunciou “a presentación de diversas denuncias ante a Comisión e Parlamento europeo e a comisión de Dereitos Humanos de Nacións Unidas”.

Ana Pontón avanzou  a posta en marcha “dunha fronte democrática” para iniciar institucional e socialmente a denuncia dunha   do que reiterou é unha situación  “aberrante” na que a  Fundación  Francisco Franco “coa conivencia do Goberno galego e o seu presidente Núñez Feijóo” pretende converter “nun parque temático do fascismo” o Pazo de Meirás.

Pontón cualificou  o que acontece en Meirás de  “inconcibible, incompatible coa democracia e supón unha labazada ás vítimas do franquismo e as súas familias”. Esta situación pon de manifesto, recalcou a “conivencia do Partido popular co franquismo no Estado español”.

A portavoz nacionalista asegurou que a Xunta conta con instrumentos para evitar o que sucede  no Pazo de Meirás e lembrou que mañá reanúdanse as visitas polo que o Goberno galego debe estar atento e parar esta “barbaridade” por que a súa pasividade é igual a “complicidade”.

Por outro lado avanzou que no inicio do curso político, o BNG presentará nos concellos e no Parlamento galego mocións destinadas a devolver o Pazo de Meirás ao pobo de Sada “roubado durante o franquismo” así como  declarar “non grata” á Fundación Francisco Franco e a  familia Franco e  iniciar o expediente para ilegalizar a esta fundación por facer “apoloxía do fascismo”.

Pontón tamén recordou que o BNG defenderá a lei galega de Memoria histórica destinada a recuperación e recoñecemento de todas as vítimas  e contra a “impunidade” dos crimes franquistas.

O BNG ELEVA A INSTITUCIÓNS INTERNACIONAIS A DENUNCIA CONTRA A FUNDACIÓN FRANCO

Pola súa parte, a portavoz do BNG en Europa, Ana Miranda anunciou  que o BNG elevará unha denuncia ao Parlamento europeo e a ONU contra a Fundación Franco por “apoloxía do fascismo” e advertiu que a xestión da Fundación Franco sobre o Pazo de Meirás atenta contra “os valores europeos” e a democracia.

Miranda explicou  que non existe ningún caso semellante en Europa no que unha Fundación utilice un espazo para enaltecer os “valores e figura do ditador” como defende a Fundación Franco nas visitas ao Pazo de Meirás. Esta maneira de actuar, dixo, “atenta contra os valores europeos e os dereitos humanos” e  dende o BNG só podemos dicir que é  “antidemocrático e mesmo ilegal”.

Para a portavoz do BNG en Europa, despois da morte de Franco , o 20 de novembro de 1975 e xa transcorridos  42 anos, “o franquismo segue vivo” e a decisión de que a Fundación Franco sega xestionando o Pazo de Meirás, é “só a punta do iceberg do franquismo”. Miranda apostilou que  non teremos unha verdadeira democracia ata que esta cuestión quede resolta con “xustiza, verdade e reparación das vítimas”.

Ana Miranda lembrou as diversas iniciativas presentadas polo BNG no Parlamento galego e Deputación da Coruña ás  que sumou a denuncia ante o Executivo comunitario a a inclusión na Memoria histórica activa en Europa  “os crimes da ditadura franquista” porque nese programa europeo non están incluídos, dixo.

Asemade, dixo, hoxe damos un paso máis  e anunciamos que no mes de novembro de 2017, coincidindo cos 42 anos da morte do ditador, o BNG ten previsto celebrar no Parlamento europeo un encontro con diversas organizacións, asociacións relacionadas coa recuperación da Memoria histórica de Galiza e do resto do Estado  así como expertos na ditadura franquista.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Comenza o curso nos colexios de A Coruña e seguen sen arranxar os problemas do amianto, Xulio Ferreiro mira para outro lado, favorecendo subvencións para arranxar os do estadio de Riazor onde parece ser ten mais intereses personais

Domingo, 10 Septiembre 2017
Comenza o curso nos colexios de A Coruña e seguen sen arranxar os problemas do amianto, Xulio Ferreiro mira para outro lado, favorecendo subvencións para arranxar os do estadio de Riazor onde parece ser ten mais intereses personais

  Xulio Ferreiro conocía perfectamente los peligros del Amianto en el Colegio Ramón de la Sagra pero prefirió mirar para otro lado dejando el peligro permanentemente.  30.05.2017 | El presupuesto...