80 alumnos de vinte países comezaron na Facultade de Filosofía os Cursos de lingua e cultura galegas ‘Galego sen fronteiras’

XornalGalicia  04 Julio 2017  1573 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Máis de 80 estudantes procedentes dunha vintena de países iniciaron este luns 3 de xullo o programa dos cursos de lingua e cultura galegas ‘Galego sen fronteiras’ que coa colaboración do Instituto da Lingua Galega da USC, a Secretaría Xeral de Política Lingüística e a Deputación da Coruña organiza a Real Academia Galega (RAG). Ata finais de mes a Facultade de Filosofía acolle a alumnado procedente de Alemaña, Austria, Brasil, Reino Unido, Canadá, República Checa, Chile, Croacia, Cuba, Estados Unidos, Hungría, India, Italia, México, Polonia, Romanía, Portugal, Ucraína, Xapón e doutras autonomías do Estado español.



No acto inaugural interviñeron o presidente da RAG, Víctor F. Freixanes; a vicerreitora de Servizos Universitarios do Campus de Lugo, María do Carme Silva Domínguez; o secretario da RAG e codirector dos Cursos, Henrique Monteagudo; o director do ILG, Ernesto González Seoane; o secretario xeral de Política Lingüística, Valentín García; e a vicepresidenta da Deputación da Coruña, Goretti Sanmartín.

As sesións desenvolveranse ata o 24 de xullo na Facultade de Filosofía e combinarán as clases teóricas e prácticas con obradoiros de música e baile e palestras impartidas por persoas do mundo da literatura, a música ou a arte dramática. Unha charla-concerto de Uxía Senlle e Sérgio Tannus, un espectáculo sobre Carlos Casares a cargo do actor Avelino González, outra charla-recital da poeta e académica electa Chus Pato ou un percorrido pola cultura na Rede da man do director de culturagalega.gal, Manuel Gago, son parte do programa que completa as aulas teóricas e prácticas de lingua e cultura.

Os participantes poderán tamén gozar dunha visita á Casa-Museo Rosalía de Castro, guiada por Anxo Angueira, que concluirá cunha conferencia da profesora Catherine Davies, directora do Instituto de Investigación en Linguas Modernas da Universidade de Londres.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Ciudadanos Cs A Coruña critica “el desprecio” de la Marea Atlántica por los Carnavales de Monte Alto

Miércoles, 14 Febrero 2018
Ciudadanos Cs  A Coruña critica “el desprecio” de la Marea Atlántica por los Carnavales de Monte Alto

Miguel Ángel Rosende: “La falta de previsión e interés por los carnavales de la calle de la Torre por parte de este gobierno es indignante” A Coruña 14 de Febrero...