A Valedora do Pobo destaca o escaso número de queixas que recibe da veciñanza carballesa

XornalGalicia  28 Enero 2017  2654 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A Valedora do Pobo, Milagros Otero Parga, pasou a maior parte do día en Carballo. A mediodía foi recibida polo alcalde, Evencio Ferrero, con quen comentou o escaso número de queixas que recibe dos nosos veciños e veciñas. “Neste momento só hai unha aberta, relacionada con un tema de ruídos, que, por outra banda, é un problema xeral de Galicia xunto co urbanismo e o medio ambiente”, manifestou.

No encontro, que se desenvolveu nun tono moi cordial, a Valedora do Pobo estivo acompañada polo secretario xeral da institución, Fernando de Andrés, de raíces carballesas, e pola responsable de comunicación e transparencia, Isabel Alvite. Por parte do Concello de Carballo tamén se sumou ao encontro a técnica responsable das relacións coa Valedora do Pobo, Susana Mariño, xa que un dos obxectivos destas visitas que Milagros Otero está a realizar por toda Galicia “para ter unha visión o máis ampla posible” da realidade do territorio, e nese sentido o contacto directo é unha ferramenta fundamental para evitar moitas veces a lentitude burocrática.

Pasadas as 12.30 incorporáronse á xuntanza varios membros do goberno municipal, cos que continuou a conversa en todo distendido antes da comparecencia de Milagros Otero ante os medios de comunicación locais. A Valedora destacou que máis do 90 % das recomendacións que fai “son aceptadas” e acatadas, un dato que cualificou como moi importante. Así mesmo, aludiu á política de contacto directo coa cidadanía iniciada dende o seu acceso ao cargo, xa que permite dar a coñecer a institución e recoller queixas. Con esa intención, Milagros Otero participou pola tarde nun encontro coa cidadanía no Fórum Carballo.

O alcalde, pola súa banda, agradeceu a visita, ofreceuse a “tender pontes” e a seguir velando pola “necesaria lealdade institucional” como unha das máximas do seu goberno. “Esta visita contribuirá a axilizar os expedientes, porque o que pide a cidadanía é, precisamente, que se defendan as súas queixas con prontitude”, manifestou Evencio Ferrero.

A Valedora do Pobo agasallou ao alcalde de Carballo cun gravado, e este correspondeulle co carballo de Sargadelos. Milagros Otero asinou, así mesmo, no Libro de Honra.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Jueves, 18 Enero 2018
Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Todas las entidades representadas en PLADESEMAPESGA piden el cese del jefe de prensa censor y culpable de la crispación existente en el Concello de A Coruña..   En la campaña...