Información
Portada

O 38% dos xornalistas galegos teñen contratos temporais ou son autónomos

Información
24 Enero 2017 3124 votos
1 1 1 1 1 1 1 1 1 1

O 38,6% dos xornalistas galegos carecen dun emprego estable, pois teñen contratos temporais ou son empregados por conta propia. O dato resulta dunha enquisa que Colexio Profesional de Xornalistas de Galicia (CPXG) vén de realizar entre os seus 1.100 colexiados. 

O 38,6% dos xornalistas galegos con emprego traballan cun contrato temporal ou son autónomos (empregados por conta propia) fronte ao 61,4% de ocupados con emprego fixo. O Colexio Profesional de Xornalistas de Galicia (CPXG) ven de realizar unha enquisa entre os seus colexiados e colexiadas na que se obtén unha radiografía da profesión e que revela o alto grado de concentración do emprego profesional en Santiago de Compostela e A Coruña (46,8%), debido á maior presenza nestas cidades de empresas públicas e privadas do sector.

A enquisa indica que o 32% dos profesionais ocupados traballan (por conta propia ou asalariados) en empresas de servizos de comunicación corporativa (axencias de comunicación, gabinetes de prensa); o 24% dos ocupados traballan en prensa escrita, o 15% en radio; o 14% en televisión; o 6% en medios de comunicación dixitais; o 4% dedícanse á producción audiovisual; o 1% están empregados en axencias informativas; e outro 4% dos xornalistas dedícanse á docencia.

O Colexio Profesional de Xornalistas de Galicia é unha entidade de dereito público, creada pola lei 2/1999 do 24 de febreiro polo Parlamento de Galicia, que ten a representación legal de todos os xornalistas galegos. Actualmente conta con arredor de 1.100 colexiadas e colexiados, organizados en sete demarcacións (Vigo, A Coruña, Ourense, Santiago de Compostela, Lugo, Pontevedra e Ferrol).

O Colexio Profesional de Xornalistas de Galicia, organización que representa á profesión en toda Galicia, tamén presta servizos de formación e asesoramento aos seus colexiados. Segundo a enquisa, a formación máis demandada polos xornalistas galegos está relacionada coas novas técnicas e ferramentas da internet: 78,25% demandan formación en redes sociais.

[Enquisa realizada polo CPXG en novembro de 2016 por correo electrónico e resposta aleatoria. A mostra resultante é do 11,27% dos xornalistas colexiados. Pódese consultar un resumo dos resultados http://xornalistas.gal/web/uploads/novas_adxuntos/adxunto/a4a/58871aa99e-enquisa-xornalistas-galegos.pdf">aquí]

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...