Información
Portada

Os Orzamentos presentados para o 2017 son a radiografía dun Goberno que atenta contra os ciudadanos, servicios sociais, e xestións mínimas da convivencia

Información
23 Diciembre 2016 3905 votos
1 1 1 1 1 1 1 1 1 1

Baixo o luminoso rótulo de expansivas, nun intento indisimulado de vendernos a idea de que toca ocuparse das persoas, o certo é que o único expansivo é a débeda, á que se destina un 17 % do orzamento.

As cifras son claras. Din que esa expansión non é tal, posto que as contas que vén de presentar o señor Feijoo medran menos que as que agora se pechan, e prevén un menor crecemento económico, o que implica consolidar os recortes en servizos públicos e prestacións sociais, seguir instalados na precariedade laboral, na emigración e no aumento do paro, como acaba de deixar en evidencia o dato de novembro.

¿Os Orzamentos que propón Feijoo serven para saír da crise e xerar emprego? Non. ¿Facilitan o retorno da xente moza emigrada? Non. ¿Acaban cos repagamentos e cos recortes en sanidade e educación? Non. ¿Reactivan os sectores produtivos do país? Non. ¿Fan unha aposta por sacar a Galiza do vagón de cola en I+D+i como pasaporte imprescindible para o crecemento económico? Non. ¿Supoñen un revulsivo na loita contra a violencia de xénero? Non. ¿Avanzan na nosa autonomía financeira? Non. ¿Apoian a cultura e a normalización da lingua? Non. ¡E xa me gustaría poder usar outro monosílabo ben distinto!

O proxecto de Orzamentos desmonta o discurso da saída da crise e da expansión, e revela a insuficiencia do actual sistema de financiamento. Elevar o gasto nun 2,9 % é insuficiente. Galiza precisa unhas contas públicas onde as persoas sexan o primeiro e aposten polo progreso do país. As achegas do BNG irán nesa dirección con cinco grandes propostas: un plan de choque para mellora dos servizos públicos; duplicar o orzamento en I+D+i; un plan retorna para facilitar a volta da mocidade emigrada; un programa de accións para a igualdade; un plan de emerxencia social de loita contra a pobreza e a precariedade; e recursos para desenvolver e modernizar os nosos sectores produtivos.

Nese momento veremos cal é a disposición ao diálogo e ao pacto anunciada polo señor Feijoo.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...