Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Fotografía XXVII Seminario Permanente de Administración y Economía PúblicaJesús Vázquez participou esta tarde na Fundación Ortega-Marañón de Madrid nunha mesa redonda baixo o título de “Participación Cidadá e Goberno Colaborativo”, dentro do XXVII Seminario Permanente de Administración e Economía Pública

O rexedor ourensán, presidente da comisión de Modernización, Participación Cidadá e Calidade da FEMP, avanzou que “hai que escoitar a chamada da Comisión Europea aos gobernos a escoitar novas formas de satisfacer as necesidades sociais que non están adecuadamente cubertas polo mercado ou o sector público; é o xeito de lograr marcos de convovencia estables e favorecedores do desenvolvemento económico e social dos territorios”

Os alcaldes queremos aportar valor á acción pública e reforzar e incrementare a confianza dos cidadáns nos gobernos locais, asumindo compromisos de bo goberno e de realización de prácticas exemplares nos ámbitos de rendición de contas, participación nas tomas de decisións e deseño e avaliación de servizos públicos”, recalcou Jesús Vázquez

Madrid, 10 de maio de 2016.-

O alcalde de Ourense, Jesús Vázquez, participou esta tarde na Fundación Ortega-Marañón de Madrid nunha mesa redonda baixo o título de “Participación Cidadá e Goberno Colaborativo”, dentro do XXVII Seminario Permanente de Administración e Economía Pública.

O rexedor ourensán, presidente da comisión de Modernización, Participación Cidadá e Calidade da FEMP, estivo presente na mesa redonda, na que tamén participaron Pablo Soto Bravo, concelleiro de Participación Cidadá, Transparencia e Goberno Aberto do Concello de Madrid; así como Tomás Rodríguez-Villasante, profesor emérito da Universidade Complutense de Madrid. Durante a súa intervención, Jesús Vázquez argumentou que “hai que escoitar a chamada da Comisión Europea aos gobernos a escoitar novas formas de satisfacer as necesidades sociais que non están adecuadamente cubertas polo mercado ou o sector público; é o xeito de lograr marcos de convovencia estables e favorecedores do desenvolvemento económico e social dos territorios”.

Neste senso, o alcalde ourensán abordou a necesidade de abrir debate e reflexión sobre a saúde dos mecanismos da democracia representativa participativa que promovan gobernos máis abertos e colaborativos. “Os alcaldes queremos aportar valor á acción pública e reforzar e incrementar a confianza dos cidadáns nos gobernos locais, asumindo compromisos de bo goberno e de realización de prácticas exemplares nos ámbitos de rendición de contas, participación nas tomas de decisións e deseño e avaliación de servizos públicos”, recalcou Jesús Vázquez.

A calidade democrática, a ética pública e a integridade na xestión son aspectos que deben rexir todo goberno”, sinalou Vázquez, “porque non debemos esquecer que nun momento como o actual, resulta fundamental reducir a fenda que xurdiu como consecuencia da desafección política dos cidadáns”. De aí a importancia da Comisión de Modernización, Participación Cidadá e Calidade sexa un ámbito axeitado para impulsar e desenvolver novas actuacións e novos retos. “A participación é un medio en continuo desenvolvemento no que é imprescindible evolucionar, analizando o contexto actual e as demandas da cidadanía, incorporando as posibilidades da tecnoloxía e o aprendizaxe do recorrido ata o momento actual”.

Importante contribución das asociacións locais

Por último, Jesús Vázquez lembrou a importante contribución das asociacións locais que realizan como mediadores da participación cidadá, así como xeradores de identidade local: “Grazas a esta contribución, aportaron iniciativas enriquecedoras en variadas políticas locais, sendo axentes activos capaces de incorporar ás axendas dos municipios asuntos clave, implicándose na xestión de equipamentos, servizos e programas municipais. De aí a enorme importancia de revisar, potenciar e explorar novas vías de colaboración cos movementos sociais e asociacións locais”.

Comisión FEMP

Durante a mañá de hoxe, o alcalde de Ourense presidiu en Madrid unha nova reunión da Comisión de Modernización, Participación Cidadá e Calidade, da que é presidente. Neste encontro de traballo, constituiuse o grupo de traballo integrado por representantes municipais e técnicos. Tamén se deu conta do nomeamento de representantes técnicos na Rede Interadministrativa de Calidade dos Servizos e se formularon propostas formativas e de avance do plan de traballo para o presente exercicio 2016, entre outros asuntos.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Las preferencias de Xulio Ferreiro ya muestran "su cara oculta" trasladando más dinero a la "casta" que a su programa electoral

Las preferencias de Xulio Ferreiro ya muestran "su cara oculta" trasladando más dinero a la "casta" que a su programa electoral

El gobierno de la Marea Atlántica a cortado más del 50% de las inversiones a favor de los vecinos de A Coruña y sus recurso, desviando el otro 50% a...