Información
Lugo

Lugo reúne a unhas 800 viúvas que participan na súa asamblea nacional

Información
12 Junio 2016 4160 votos
1 1 1 1 1 1 1 1 1 1

A Alcaldesa de Lugo, Lara Méndez, participou este sábado, no Salón de Actos do Pazo de Feiras e Congresos, na apertura da XLIV Asamblea Nacional da Confederación de Federacións e Asociacións de Viúvas Hispania, que volve a celebrarse en Lugo ao longo do día de hoxe e mañá, coa colaboración do Concello, tras uns 15 anos, posto que cada ano se celebra nun punto diferente do territorio español. Trátase dunha xuntanza que ten por obxectivo o intercambio de experiencias entre as viúvas das distintas rexións así como sensibilizar á sociedade da súa situación e das súas familias. Galicia é a quinta comunidade autonóma con máis persoas viúvas en España, unhas 186.000 mulleres, 30.000 delas na provincia luguesa, sendo o colectivo destas mulleres un dos máis veteranos de España, con máis de 45 anos de funcionamento.

Na súa intervención, a rexedora agradeceu, por partida triple, o traballo da Confederación de Federacións e Asociacións de Viúvas, tanto por defender os dereitos e reivindicacións das mulleres viúvas en Galicia e en España, polo esforzo que realizan a miúdo, que na maioría dos casos está relacionado cos pensións de viuvez insuficientes, e por traer a Lugo este encontro. Neste senso, Lara Méndez convidou ás máis de 800 viúvas de toda España presentes, a continuar co seu labor comprometido e xeneroso, así como a descubrir o patrimonio histórico artístico, cultural e gastronómico de Lugo nesta fin de semana.

No acto tamén participu o Presidente da Xunta, Alberto Núñez Feijóo, o Subdelegado do Goberno, Ramón Carballo, a Deputada de Economía, Recadación e Facenda, Pilar García Porto; así como a Presidenta da Asociación de Viúvas de Lugo e de España, Aurora Carro e Rosario Vicente, respectivamente. Tamén estiveron presentes a Delegada da Xunta en Lugo, Raquel Arias, a Secretaria Xeral de Igualdade, Susana López Abella, e outros membros da Corporación Local.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...