Información
Lugo

Seis expertos analizan as posibilidades de aproveitamento da resina

Información
28 Septiembre 2018 288 votos
1 1 1 1 1 1 1 1 1 1
Xornada aproveitamento da resina
O Executivo Provincial organizou unha xornada sobre a extracción de resina para dar a coñecer, a través da experiencia de expertos na materia, as posibilidades desta actividade económica no rural lugués

O Vicepresidente destacou que a produción de resina ten un grande potencial na provincia de Lugo e que supón unha posta en valor dos recursos da natureza

O Vicepresidente da Deputación, Argelio Fernández Queipo, inaugurou este xoves no Salón de Actos do Pazo de San Marcos, a xornada Posibilidades do aproveitamento resineiro na Comunidade Autónoma Galega, que reuniu a seis expertos na xestión forestal e a produción de resina. A xornada desenvolveuse en horario de mañá e tarde e congregou a medio centenar de persoas asistentes.

Fernández Queipo sinalou que “para o Goberno da Deputación é unha satisfacción apoiar actos coma este, que poñen en valor os recursos da natureza e dan a coñecer aproveitamentos forestais alternativos, que supoñen novas oportunidades de emprego no rural”. E destacou que o sector resineiro ten un grande potencial en Lugo.

“Ademais, tal e como explicarán os expertos hoxe, a produción de resina trae beneficios máis alá da venda do produto á industria transformadora”, explicou Fernández Queipo, “xa que, ao mesmo tempo, permite manter  o monte limpo e contribuír a evitar os incendios”.

Programación da xornada
A programación iniciouse coa intervención de Alejandro Rogero del Río, xerente de Rincón de la Vega, que explicou as diferentes normativas que afectan á extracción de resina. A continuación, Juan Carlos Álvarez Cabrero, da Asociación Nacional para a Vertebración e Defensa do Sector Resineiro, expuxo a situación do sector en España o seu potencial como motor de desenvolvemento rural. E Gregorio Luis Cazurro, da Sociedad de Resinas Naturales, centrou a súa presentación na adaptación dos montes galegos á resinación. Finalmente, a sesión da mañá pechouse cunha mesa redonda.

A xornada continuou ás 16.00 horas coa intervención de Manuel Francisco Marey, da Universidade de Santiago de Compostela, que falou do futuro do sector forestal galego e da necesidade de novas alternativas. A continuación participaron Érika Martínez, de Letme Soluciones, e Manuel Guaita Fernández, que falaron do aproveitamento resineiro como actividade para valorizar o sector forestal e o papel da madeira de coníferas e o seu papel na economía circular. Unha mesa redonda moderada por Fernández Reija puxo o colofón ao evento.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...