Información
Lugo

350.000 euros a LU-P-4102, de Ferreira a Currelos, no Saviñao

Información
23 Septiembre 2018 272 votos
1 1 1 1 1 1 1 1 1 1

                

Estrada Ferreira-Currelos en O Saviñao

Así o avanzou Santos Ramos nun encontro mantido cos veciños no que explicou que se está a redactar o proxecto de obra, que consistirá na mellora de preto de 8 quilómetros desta vía de comunicación fundamental pois vertebra todo o municipio

“Levaremos a cabo a rexeneración do firme con aglomerado en quente nun treito de case 8 quilómetros da estrada que une Escairón con Currelos, dende Villarreme ata Córneas, completando a súa renovación integral e dando resposta aos veciños”

O voceiro explicou que se decidiu executar estas melloras porque así llo solicitaron os habitantes da zona e destacou que “escoitamos e atendemos as necesidades da cidadanía pois, como administración pública que somos, é o noso deber”

O voceiro do Goberno, Álvaro Santos Ramos, anunciou que o Executivo da Deputación mellorará con 350.000 euros a estrada LU-P-4102, que vai de Ferreira a Currelos, no Concello do Saviñao. Así llo avanzou Santos Ramos aos veciños da zona nun encontro mantido este sábado no que coñeceu de primeira man a necesidade de acometer estes traballos, que repercutirán, de xeito directo, no día a día dos veciños. Cómpre subliñar que a LU-P-4102 é estrada que vertebra o norte e o sur do Concello, e conta con moito tránsito pois dá acceso a todos os servizos que hai no municipio.

Santos Ramos apuntou que “levaremos a cabo a rexeneración do firme con aglomerado en quente nun treito de case 8 quilómetros da estrada que une Escairón con Currelos, dende Villarreme ata Córneas, completando a súa renovación integral, dando resposta aos centos de usuarios que utilizan esta vía a cotío para realizar os seus desprazamentos”.

O voceiro do Goberno explicou que o Goberno da Deputación decidiu executar estas melloras porque así llo solicitaron persoalmente os habitantes da zona, nunha visita feita hai uns meses a dito municipio lucense. “Dende o Goberno Provincial, e dentro da nosa aposta por ser unha Deputación rural, sumamente social e coas persoas, atendemos as necesidades da cidadanía pois, como administración pública que somos, é o noso deber”, apuntou.

Neste senso, explicou que os técnicos provinciais están a elaborar dende fai preto de dous meses o proxecto de obra, pero avanzou que serán ao redor de 350.000 euros os que o Goberno da Deputación investirá para mellorar preto de 8 quilómetros, comprendidos entre os puntos 14 e 22, é dicir, terminará o arranxo da que é unha das vías de comunicación fundamental da zona. Santos Ramos avanzou que nas vindeiras semanas, logo de ter aprobado o proxecto, darase conta máis polo miúdo das obras que se van acometer.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...