Información
Lugo

Daniel Piñeiro recibiu a un grupo de 40 alumnos do Grao de Socioloxía da Universidade da Coruña, que realizaron unha visita urbanística por Lugo para estudar o seu tecido urbano e a distribución dos diferentes tipos de espazo

Información
16 Abril 2016 4011 votos
1 1 1 1 1 1 1 1 1 1

O Concelleiro de Desenvolvemento Sostible e Persoal, Daniel Piñeiro, recibiu no Salón de Plenos a un grupo de 40 alumnos da materia de Socioloxía Urbana e Ordenación do Territorio do Grao de Socioloxía da Universidade da Coruña, que viñan acompañados por un profesor e dun equipo de arquitectos, e que realizaron unha visita urbanística por Lugo. Trátase dun achegamento á cidade para que os alumnos estuden o tecido urbano así como a distribución de actividades ou os diferentes tipos de espazo, físicos ou simbólicos.

Durante a recepción, na que tamén estiveron presentes varios técnicos municipais, Piñeiro deulles a coñecer aos estudantes os eixos da política urbanística do Concello, así como o xeito no que o Goberno entende a cidade, que debe convivir en harmonía co rural. Do mesmo xeito o edil insistiu na crise como unha oportunidade para repensar o urbanismo, que non pasa por expandir o desenvolvemento senón por crear cidade ocupando ocos baleiros e apostando por rehabilitación.

Os alumnos realizaron unha pequena volta en bus para coñecer a envergadura, ubicación e partes de Lugo. Posteriormente, achegarónse ao Museo Interactivo da Historia (MIHL) para afondar na comprensión global da cidade coas maquetas. Realizaron ademais unha ruta pola cidade, pola muralla, polo campus e por algunha das parroquias do rural lugués.

Tras a visita, o profesor Docampo subliñou a excepcionalidade que estrutura o desenvolvemento urbano da cidade, que xira en torno a un eixo, a Muralla. Subliñou ademais que Lugo é unha cidade contida en canto ao crecemento colindante coa cidade compacta tradicional se refire, pois presenta pouco desorde. Neste senso, definiu a Lugo como a mellor expresión de convivencia do urbano co rural, un elemento que lle aporta personalidade especial á cidade, pois compaxina á perfección o pasado máis o futuro. Docampo tamén aproveitou a visita para destacar a importancia do proxecto Lugo+Biodinámico e para poñer en valor a calidade do espazo verde do Rato.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...