Miguel Fernández e Daniel Piñeiro anunciaron que mañá a Xunta de Goberno aprobará definitivamente o proxecto de expropiación de 5.424,58m2 de terreos situados nas marxes da Ronda do Carme, por valor de 4 millóns de euros

XornalGalicia  05 Julio 2016  3117 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 
O Concello salda unha débeda histórica dos veciños do Carme e pagará as expropiacións dos seus terreos ao longo do verán

O voceiro municipal, Miguel Fernández, acompañado polo Concelleiro de Desenvolvemento Sostible e Persoal, Daniel Piñeiro, anunciou este martes que a Xunta de Goberno de mañá aprobará definitivamente o proxecto de expropiación de máis dunha decena de terreos situados nas marxes da Ronda do Carme, afectados por unha sentenza do Tribunal Superior de Xustiza de Galicia, “que deu a razón aos propietarios altamente perxudicados pola disparatada calificación urbanística do PXOM de 1990, aprobado para beneficio da especulación urbanística e a nula dotación para a cidadanía”, segundo indicou Piñeiro. Así mesmo, na sesión de mañá desestimaranse as alegacións presentadas, un total de 15, en bases a informes de enxeñería e urbanismo e de Evislusa.

En aplicación desta sentenza, as súas propiedades pasan a ser solo urbano – e non urbanizable programado- e o Concello ten a obriga de obter os terreos necesarios para abrir vías e dispor de espazos para zonas verdes. Por ese motivo, era necesaria a expropiación de 5.424,58m2 de superficie, cunha avaliación que ascende a preto de 4 millóns de euros, concretamente, 3.943.477,90 euros, tal e como deu a coñecer Fernández.

“Isto non é máis que devolverlle uns dereitos a uns veciños da zona do Carme”, asegurou Piñeiro, ao tempo que lembrou que se trata de “4 millóns que pagaremos todos e cada un dos 98.134 lucenses, en consecuencia do urbanismo feito a medida por outros gobernos”. En aplicación desta sentenza, o Concelleiro de Desenvolvemento Sostible e Persoal anunciou que a finais de mes manterá unha reunión cos veciños afectados para indicarlles a documentación que deben achegar para facer efectivo o pago canto antes, que se realizará previsiblemente ao longo do verán, destes 4 millóns de euros, “en relación ás expropiacións que os Tribunais nos dicen que outras corporacións o fixeron mal”.

“Aínda que se trata de decisións tomadas por outras corporacións, o Concello é responsable e este Goberno, despois dun ano, foi capaz de desbloquear un expediente iniciado hai anos, saldando unha débeda histórica”, aseverou o edil, quen avanzou que se traballa na resolución de expedientes abertos.

Audio

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

El Palacio de María Pita luce BANDERA A MEDIA ASTA tras anunciar su próxima candidatura #XulioFerreiro convirtiendo las esperanzas de más del 90% de los coruñeses en un "martirio".

Viernes, 08 Diciembre 2017
El Palacio de María Pita luce  BANDERA A MEDIA ASTA tras anunciar su próxima candidatura #XulioFerreiro convirtiendo las esperanzas de más del 90% de los coruñeses en un "martirio".

Su personal modo de ver la política ya reconocida por la mayoría como un fraude "trilero felón" en la que esta acusado de convertir la Ciudad en un estercolero y...