Información
Localidades de Galicia

OS SOCIALISTAS DENUNCIAN FALLA DE TRANSPARENCIA E PREVISIÓN NAS AXUDAS

Información
05 Febrero 2019 166 votos
1 1 1 1 1 1 1 1 1 1

O portavoz de Industria do Grupo Socialista, Abel Losada, alertou da falla de transparencia e previsión nas axudas públicas da Xunta á automoción. Así o dixo no debate dunha pregunta oral que presentou hoxe en Comisión parlamentaria, na que sinalou a falla de concreción e definición das liñas de apoio ao sector, en contraste co apoio “específico, definido e concreto” do sector aeronáutico.

 

O responsable socialista criticou a escasa preparación do goberno galego diante dos cambios que se preparan para o sector da automoción, sinaladamente coa chegada dos vehículos intelixentes e eléctricos. Reclamou un maior esforzo para resolver a “incerteza” do sector na busca dun equilibro a longo prazo, e situar medidas de apoio no horizonte para que non altere o desenvolvemento produtivo habitual a corto e medio prazo.

Ademais, considera fundamental que o goberno galego garanta unhas condicións laborais e salariais digns, xa que a estabilidade do mercado laboral resulta fundamental á hora de impulsar a innovación. Advertiu que os contratos inestables ou de corta duración fan “moito máis difícil e custoso integrar procesos formativos complexos”, como os que afronta o sector da automoción coa implantación da intelixencia artificial e a transición enerxética.

Advertiu do fracaso da política laboral do goberno galego no sector da automoción, por canto mentres a EPA apunta un crecemento de 33.200 postos de traballo entre o IV trimestre de 2017 e o IV trimestre de 2018, mentres o sector perdeu 3.600 postos de traballo no mesmo período.

lineaazul 1600

Preto de 20 colectivos galegos responderon ao chamado da...

"Ourense convértese nestes días na capital nacional das ciencias...

Na primeira xornada imos festexar o Día Internacional dda...

Os versos de Salvador García-Bodaño (Vigo, 1935) encherán este...

lineaazul 1600