Información
Localidades de Galicia

VECIÑOS DE MONTERREI CONSIDERA CONTRARIAS A DEREITO AS CONTÍAS PERCIBIDAS POLO ALCALDE POR ASISTIR ÁS REUNIÓNS DE ÓRGANOS COLEXIADOS DO CONCELLO

Información
12 Julio 2018 1055 votos

O alcalde José Luis Suárez cobra 200 euros por asistir a plenos, xuntas

de goberno e comisións informativas fronte aos 80 euros que perciben

os concelleiros

 

? Carmen Sola acusa ao alcalde de “xestionar o Concello cunha política de

barra libre para si mesmo” e de chegar a cobrar “nun só día” 800 euros

Monterrei (Ourense), 13 de xullo de 2018.- O Xulgado do Contencioso

Administrativo número 1 de Ourense vén de admitir a trámite un recurso interposto

polo grupo municipal Veciños de Monterrei contra o alcalde do municipio en relación

aos honorarios que percibe por asistencia ás reunións de órganos colexiados do

Concello: plenos, xuntas de goberno e comisións informativas.

No mes de xullo de 2015, celebrouse un Pleno no Concello onde se aproboaron, por

proposición do alcalde José Luis, as contías por concurrencia ás sesións de órganos

colexiados municipais. “O alcalde fixou para si mesmo unha asignación de 200

euros por cada reunión, fronte aos 80 que percibirían os concelleiros”, sinala

Carmen Sola, voceira de Veciños de Monterrei.

Discriminación

Porén, tal e como lembra Sola, existen sentencias do Tribunal Supremo que

declaran contrario a dereito “establecer diferentes contías” por asistencia a

xuntanzas colexiadas “posto que non se supón necesariamente maior traballo de

preparación [das mesmas] por quen exerce cargo de maior responsabilidade”.

Vista a doctrina xurídica que se ten ido fixando, Veciños de Monterrei solicitou a

nulidade do Pleno na que se aprobaron as remuneracións, pero o alcalde

rexeitouna. Por este motivo, decidiu xudicializar a cuestión xa que “non poden

asignarse diferentes importes para os membros do mesmo órgano colexiado por

asistencia a reunións”, enfatiza Sola, quen acusa ao alcalde de “xestionar o

Concello cunha política de barra libre para si mesmo” e querer “chupar do bote

2

municipal”. De feito, “ten chegado a fixar no mesmo día tres comisións e unha

xunta de goberno para embolsarse 800 euros; é dicir, ten percibido nun só día

unha cantidade que supera o salario mínimo interprofesional mensual”.



esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi