Información
Localidades de Galicia

As análises da auga do colexio do Carril dá valores de ferro que superan o dobre do legalmente permitido

Información
22 Marzo 2018 1249 votos
1 1 1 1 1 1 1 1 1 1
As análises do colexio do Carril demostran que a auga contén valores de ferro que superan o dobre do legalmente permitido e, polo tanto, a que sae polas billas dos servizos do centro educativo "non son aptas" para o consumo. As análises foron realizadas polos propios servizos de Saúde da Xunta de Galicia, baseándose en mostras tomadas en febreiro e marzo. Os resultados foron remitidos ao Concello vía fax o venres pola tarde –a de febreiro- e hoxe pola mañá- a de marzo-.
O alcalde xa se puxo en contacto coa asociación de país e nais para trasladarlle eses datos e, ao tempo, comunicarlle os pasos a seguir. Por unha banda, garantir que a comunidade escolar seguirá recibindo auga embotellada entretanto non se acada unha solución, e, por outra, reiterar –como xa se fixo esta mañá por vía telefónica- a petición dunha entrevista urxente do alcalde co conselleiro de Educación, con que xa falara do asunto hai uns días. Ao final da mañá, o delegado da Xunta na provincia, Xosé Manuel Cores Tourís, chamou ao alcalde para indicarlle que as obras de mellora do colexio carrilexo terán carácter "prioritario e urxente". A media tarde, o propio conselleiro confirmou este aspecto ao alcalde.

Cando a norma di que os valores máximos permitidos son 600 microgramos de ferro por litro de auga, neste caso estamos a falar de 1.293 nunha análise e de 1.440 noutra, o que supón máis do dobre do permitido, co engadido de que tal cantidade de ferro bloquea a acción do cloro, de aí que as análises certifiquen a "ausencia de desinfectante residual".

O goberno local xa se lle indicou á Consellería de Educación, trala denuncia da comunidade educativa e da consecuente inspección ao centro dos técnicos municipais, que non se trata dunha cuestión de mero mantemento do colexio, senón que é necesaria unha reposición total do sistema de fontanería nun centro no que, neste aspecto, non se fixo ningunha actuación dende a súa construción, hai máis de trinta anos. O goberno local xa demostrou ao longo deste mandato a súa disposición a colaborar con Educación, é o caso do pavillón de Rubiáns ou o comedor do Piñeiriño, pero neste caso o problema de fondo é outro.

Neste sentido, Alberto Varela confía en que a Consellería, á vista do manifestado hoxe polo delegado territorial, concrete nos vindeiros días a solución que se vai dar a este problema, posto que, como queda dito, non se trata dunha mera cuestión de mantemento dun colexio, senón dun problema de saúde pública.

lineaazul 1600

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...

O sábado 19 en sesión de tarde e o domingo 20 en dobre sesión...