CONSIDERAN “OBSCENO” QUE A XUNTA DESTINE CASE 400.000 EUROS EN CATRO LETREIROS DE HOSPITAIS E EN PROPAGANDA PARA O SERGAS

XornalGalicia  01 Septiembre 2017  1124 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

O portavoz de Sanidade do Grupo Socialista, Julio Torrado, tildou hoxe de “obsceno” que en pleno debate sobre a reforma da Lei de Saúde o Sergas teña convocado un concurso por 183.000 euros para cambiarlle o cartel a catro hospitais de A Coruña e ten adxudicado outros 212.000 para propaganda do Sergas, como teñen reflectido os medios de comunicación.

 

O responsable socialista criticou estes gastos “cando o propio goberno, en nome da eficacia e da optimización de recursos, está modificando a Lei máis importante da sanidade de Galicia precisamente para reducir servizos e recortar a atención sanitaria dos cidadáns”. “Mentres os galegos e galegas queremos investir en médicos e mellorar a atención sanitaria o PP prefire comprar carteis e facer publicidade”, resumiu.

Torrado lembrou que no anterior período de sesións, e mentres a Cámara autonómica debatía sobre a necesidade de máis recursos, de aprobar plans de mellora sanitaria ou da situación dos centros de saúde, o PP levaba unha proposta para cambiarlle o nome ao Hospital de A Mariña.

Lamentou que tanto o PP como o goberno galego “parezan empeñados en facernos ver que viven á marxe da realidade dun sistema sanitario cun grave déficit de recursos”, dando “liberdade á súa obsesión por reducir servizos” e por cambiarlle o nome a un hospital, mentres “advertimos que estas frivolidades custan diñeiro”.

Sinalou que “os recursos da sanidade pública deben estar dirixidos a pagar profesionais e non para colgar carteis, ou para investir en proclamar o carácter público da sanidade, nun intento vano de enganar á cidadanía”.

Advertiu que “os galegos e galegas saben ben que o PP quere reducir a sanidade pública e deixar o camiño aberto para as clínicas privadas, como demostra o récord de alegacións ao anteproxecto da Lei de Saúde, que en pleno mes de agosto xuntou 1.600 aportacións cidadás, ou das mobilizacións convocadas contra a desaparicións das áreas sanitarias de O Salnés, A Mariña, Valdeorras e Lemos.

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Jueves, 18 Enero 2018
Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Todas las entidades representadas en PLADESEMAPESGA piden el cese del jefe de prensa censor y culpable de la crispación existente en el Concello de A Coruña..   En la campaña...