Información

CSC, CIG, ELA e LAB denuncian o “ataque sen precedentes” á democracia e ás liberdades no Estado español

Información
XornalGalicia 18 Abril 2018 711 Votos Sección ; Galicia

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

As organizacións Intersindical-CSC, de Catalunya, ELA e LAB, de Euskal Herria, e a CIG mantiveron esta mañá un encontro en Compostela diante do “ataque sen precedentes” que se está dando no Estado español “á democracia e ás liberdades”. En posterior rolda de prensa presentaron un manifesto conxunto no que reclaman a restitución da normalidade democrática

en Catalunya; a liberdade de Puigdemont e de todas as persoas presas políticas; o retorno das exiliadas; o cesamento do acoso policial e xudicial contra cargos políticos e institucionais e a inmediata negociación dunha saída que recoñeza o dereito dos pobos a decidir sobre o seu futuro.

O secretario xeral da Intersindical-CSC, Carles Sastre, denunciou que esta organización sindical se enfronta a un xuízo, que terá lugar o vindeiro día 25 de abril, pola folga xeral que tivo lugar en Catalunya o 8 de novembro, a raíz da denuncia presentada pola gran patronal catalá Foment del Treball Nacional.

Vivimos nun contexto de causa xeral en Catalunya, non xa contra o independentismo, senón contra os máis básicos dereitos democráticos

 Unha denuncia pola que se demanda a ilegalización desta convocatoria -por considerar que CSC non é abondo representativa e que se trataba dunha folga política- e unha indemnización de 100.000€, “non se sabe en concepto de que, para indemnizar a non se sabe quen”.

Un xuízo máis, subliñou Sastre, “nun contexto de causa xeral en Catalunya, non xa contra o independentismo e o soberanismo, senón contra os máis básicos dereitos democráticos e fundamentais”, afirmou.

Fronte  a isto, o secretario xeral da CSC, lembrou que a folga xeral foi convocada para exixir a recuperación de dereitos, mais tamén contra o Decreto 15/17, máis coñecido como Lei de Deslocalización exprés, polo que se cambia a Lei de Sociedades para que as empresas poidan trasladar a súa sede social a outras comunidades sen pasar polo Consello, o que, “alén de efectos fiscais máis ou menos importantes, pode provocar o traslado da operativa e dos ámbitos produtivos, afectando así aos intereses lexítimos das traballadoras e traballadores cataláns”.

Xunto a isto explicou que, con esta convocatoria de folga, tamén se trataba de denunciar a suspensión de máis de 30 leis aprobadas polo Parlament de Catalunya, impugnadas polo Goberno español e automaticamente suspendidas polo Tribunal Constitucional. Leis referidas a igualdade de xénero, contra a pobreza enerxética, contra a pobreza habitacional ou mesmo, nas últimas semanas, unha lei para a universalización da asistencia sanitaria, para que tanto as persoas inmigrantes que viven en Catalunya como as e os cataláns que viven, traballan e cotizan fóra poidan ter garantida asistencia sanitaria gratuíta cando estean en Catalunya.

Por iso, Sastre cuestionou que se considere unha folga política do momento no que “si responde a unha defensa dos intereses cataláns”. Denunciou ademais que esa mesma patronal si “abonou a saída de empresas de Catalunya” e logo pediu ao goberno do Estado que facilitase “algunha cousa a cambio de que volvesen”. Unha demanda que entendeu que demostra que por esa banda si houbo “un uso político propagandístico” desa cuestión.

Cuestionamento do dereito á folga

Ao entender das organizacións sindicais presentes, o que está en xogo, no fondo, é o propio dereito á folga. Neste sentido, Joseba Vilarreal, da Executiva de ELA, asegurou que “asistimos a unha persecución e criminalización salvaxe do único instrumento de loita que temos para conseguir transformar a realidade na que vivimos, que é a folga, tanto desde o poder executivo, como lexislativo e xudicial”.

Asistimos a unha persecución e criminalización salvaxe do dereito de folga tanto desde o poder executivo, como lexislativo e xudicial

 Unha persecución que afecta, segundo afirmou, aos sindicatos que convocan as folgas, ás/aos sindicalistas que as impulsan e ás traballadoras/es que a practican, así como a todas as persoas que defenden e exercen o dereito fundamental á folga. Por iso alertou de que hai unha estratexia compartida e impulsada polas elites económicas e políticas para tratar de impedir o dereito de folga ou, cando menos,, atallar os seus efectos.

A modo de exemplo denunciou servizos mínimos que na práctica son de máximos; declaracións de folgas como “abusivas e ilegais”; condenas a traballadores/as por participar nestas; multas para afogar as organizacións sindicais que discrepan e se enfrontan ao sistema ou ameazas e chantaxes ás traballadoras e traballadores chamados/as á mesma. Isto xunto á conculcación do dereito de información e de que se poñan as forzas de seguridade ao servizo da patronal, “perseguindo e criminalizando a quen defendemos a folga como elemento imprescindíbel para camiñar cara á xustiza social”.

Vilarreal expresou a solidariedade de ELA coa Intersindical CSC, e “o noso apoio máis firme ás persoas e organizacións perseguidas, sancionadas e condenadas por participar, organizar, impulsar ou apoiar as folgas”. E concluíu asegurando que “sen folgas o futuro está escrito, co folgas podémolo cambiar”.

Represión laboral e social

Pola súa banda, a secretaria xeral de LAB, Garbiñe Aranburu, denunciou a dobre “involución” social e política no Estado español. No primeiro caso utilizando a crise como pretexto para seguir afondando nun “modelo capitalista salvaxe insostíbel que impide á maioría social garantir unha vida digna”. E no segundo, coa utilización da “maquinaria represiva do Estado” que, lembrou, leva moitos anos actuando mais que, apuntou, ten agora o seu “expoñente máximo” no que está pasando en Catalunya e coa aplicación do 155.

Aranburu denunciou a imposición dun modelo económico, social e político “antidemocrátrico” que ten expresión nesa situación de excepcionalidade que se vive en Catalunya e que crea o contexto para que se poida levar adiante unha demanda como a presentada contra o sindicato CSC. “Un ataque contra o sindicalismo de contrapoder e sociopolítico”, asegurou.

A loita a favor da soberanía é a mellor ferramenta contra o modelo neoliberal que se nos quere impor

 A secretaria xeral de LAB denunciou, xunto a isto, o proceso de precarización xeneralizada da clase traballadora que, “non sería posíbel sen a alianza estratéxica entre o capital e os partidos políticos sistémicos” que está “despoxando de soberanía os pobos, para deixalos en mans dunha elite económica”.

Ademais advertiu que, a través das diferentes reformas, o que se fixo foi dar “maior poder á patronal e deixar a traballadoras/es e sindicatos sen medios para a defensa colectiva dos intereses da clase traballadora”.

Por iso denunciou “a ofensiva xeneralizada por parte das institucións da patronal e dos medios de comunicación contra o sindicalismo” e salientou que “o sindicalismo de contrapoder e sociopolítico é máis necesario que nunca”, porque aposta por reforzar a mobilización “para obrigar as institucións a cambiaren as políticas públicas que se instauran”. Un sindicalismo que liga ademais “o proceso de transformación social cun proceso de transformación nacional”, porque “a loita a favor da soberanía é a mellor ferramenta para loitar contra o modelo neoliberal que se nos quere impor”.

Situación de excepcionalidade política

O secretario xeral da CIG, Paulo Carril, denunciou a situación “de auténtica excepcionalidade” que se vive hoxe en Catalunya. Cualificou de “antidemocráticas” as actuacións do Estado no que considerou que “non hai realmente separación de poderes”, como corresponde a un Estado de dereito e no que “reaparece, unha vez máis, a máis rancia e reaccionaria cara do réxime do 78 herdeiro da ditadura franquista”.

Reaparece a máis rancia e reaccionaria cara do réxime do 78, herdeiro da ditadura franquista

 Carril rexeitou a “criminalización da lexítima protesta e da mobilización social” que se está dando en Catalunya e as políticas desenvolvidas por un goberno do PP “cheo de corrupción e podrido que ilustra á perfección a decrepitude do sistema político español”.

A ese respecto afirmou que estamos, non só nunha crise económica e social brutal no Estado, senón tamén ante unha crise “política e institucional” consecuencia desa corrupción. Acusou a PSOE e Ciudadanos de colaborar, permitindo a represión e lamentou a “equidistancia” da esquerda española porque, amparándose nas actuacións represivas do Estado, non poñen en cuestión “nin a súa estruturación, nin a súa deriva no social”.

Represión

O secretario xeral da CIG denunciou tamén que son precisamente as organizacións políticas e sociais as que están “no punto de mira do réxime” porque “estamos dispostas a loitar, a mobilizar, a defender os dereitos e a resistir ante a decrepitude dun modelo fracasado”. Advertiu que ese centralismo que se defende desde o Estado “é a mellor maneira de garantir a explotación de clase” e afirmou que “non temos medo e non damos un paso atrás para seguir mantendo a nosa firme e decidida aposta, que pasa polo recoñecemento da realidade plurinacional e dos dereitos das nacións que conforman o Estado español”.

Estamos dispostas a loitar, a mobilizar, a defender os dereitos e a resistir ante a decrepitude dun modelo fracasado

 Carril reafirmouse na loita contra as políticas do PP, contra as reformas laborais, contra a reforma da negociación colectiva e contra as das pensións, que “provocan un empobrecemento xeneralizado no conxunto do pobo”. Rexeitou a maquinaria represiva do Estado e denunciou casos como o da criminalización da folga convocada en Catalunya pola CSC, mais tamén a denuncia de Navantia contra a CIG, exixindo danos e prexuízos, pola folga das traballadoras e traballadores das auxiliares ou a negativa do Goberno a conceder un indulto a Carlos e Serafín, traballadores do transporte de viaxeiros que participaron na folga de Transporte de 2010.

Fronte a isto lembrou que un de cada catro indultos concedidos polo Goberno correspondeu con persoas condenadas por delitos de corrupción e denunciou que, entrementres, “grupos do fascismo e violentos actúan con total impunidade como tamén o fan os corruptos que saquean o pobo directamente coa súa política de recortes de dereitos sociais ou metendo directamente a man no peto do pobo”.

Carril concluíu lembrando as demandas das catro organizacións sindicais e manifestando, en representación de todas “a nosa solidariedade con todas as persoas que están a ser represaliadas e, en xeral, co pobo de Catalunya”.

Xornal Galicia - El Gobierno de Feijóo CORROMPE LA PRENSA ...

xornalgalicia.com/.../1038-el-gobierno-de-feijoo-corrompe-la-prensa-gallega-con-din...
16 jun. 2016 - La comunidad Gallega Presidida por el PP, es la única de España donde todavía no se ha destapado la “caja de pandora” de la corrupción, y no será pòr que no la haya, .... Pladesemapesga denunciaba ante la Junta Electoral de Galicia al PPdeG por infracción electoral continuado desde el. A toda esta ...

Xornal de Galicia para el Mundo - El PPdeG OCULTA los LETRADOS ...

xornaldegalicia.es/11829-el-ppdeg-oculta-los-letrados-y-sus-compatibilidades-en-la-x...
11 ene. 2018 - La verdadera Trama de la Consellería do Mar, (PPdeG) de los Helicópteros de la Xunta Consellería do Mar, INAER GALICIA SL, DRONES-ROZAS- ahora- .... ABOGADOS CONTRA LA CORRUPCION propone al Rey de Espana y los partidos politicos un ACTO de MEDIACION para resolver el CONFLICTO ...

7 - Xornal de Galicia para el Mundo - Corrupción

xornaldegalicia.es/especiales/corrupcion?start=72
Valoración: 5 - ‎1 voto
Blanqueo, fraude a la Seguridad Social, contra los derechos de los trabajadores, falsedad documental, revelación de secretos, simulación de contratos o .... activa y por pasiva ante estas felonías entre las que se cruza la Sra Pastora Charlin xefa de prensa y responsable de la página web Rías Baixas también, ver dog,s .

Xornal de Galicia para el Mundo - Corrupción

xornaldegalicia.es/especiales/corrupcion?name=News&file=article&sid...start...
Una empresa que recibe subvenciones y contratos públicos paga parte de la campaña del PPdeG a la Xunta de Galicia desde el año 2009. ..... asociación profesional con representación en el Consejo de la Guardia Civil, mediante esta nota de prensa queremos denunciar públicamente el vergonzoso impago de nómina ...

APSC- Día da Liberdade de Prensa- Advertencia ... - Xornal de Galicia

xornaldegalicia.es/.../10365-apsc-dia-da-liberdade-de-prensa-advertencia-la-libertad-d...
2016 - ... la corrupción, y no será pòr que no la haya, PLADESEMAPESGA viene ... con documentos judiciales que silencia la prensa escrita de forma . .... PLADESEMAPESGA denuncia "fraude y amenazas" - Xornal Galicia ... pladesemapesga.com/...pladesemapesga/184-feijoo-y-ppdeg-acusado-en-un-juzgado-... 24 sept.

El Gobierno del PPdeG lleva años sustentándose en la corrupción ...

accionytransparenciapublica.com/.../120-el-gobierno-del-ppdeg-lleva-anos-sustentand...
Feijóo basa su Gobierno al frente de la Xunta de Galicia en el saqueo del dinero público para regalarlo a la prensa a cambio de CENSURA Y silencio y engaño a los ciudadanos. La cara dura do PPdeG y su líder Sr feijóo sin límites burlandose de la ciudadanía, recorta el GALLEGO y regala a la Voz de Galicia 1.6 ...

Acción y Transparencia Pública - A corrupción informativa ...

accionytransparenciapublica.com/138-a-corrupcion-informativa-propiciada-con-fond...
A corrupción informativa propiciada con fondos públicos polo Goberno de Feijóo "PPdeG" contido dunha nova de PRAZA PÜBLICA. .... En caché. Xornal Galicia presenta Denuncia en la Fiscalía de Galicia contra Alfonso ... indebido de fondos públicos, discriminación y censura de medios de comunicación.

Pladesemapesga advierte de la presunta corrupción y “secuestro” de ...

pladesemapesga.com › Comunicados
... advierte de la presunta corrupción y “secuestro” de la información pública, en la Consellería do Mar, Xunta de Galicia y la impunidad con que actúa el PPdeG. ... de Gabinete de Prensa Pastora Charlin, o el sangrante caso del Secretario de la Cofradía de Celeiro Máximo Díaz, bajo procesos penales de falsificación de ...

Rosa Quintana (PPdeG) tiene el "DEDO" más grande de España ...

diariomaritimo.com › Actualidad › Portada
Sin ningún tipo de informe que los justifique, ni fiscalización previa por parte de intervención, una trama CONTAMINADA DFE PRESUNTA CORRUPCIÓN ... La Jefa de Prensa Pastora Charlin de Rosa Quintana (PPdeG) esta vaciando la caja de dinero público de la Consellería autoadjudicandose contratos publicitarios.

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi