Información
Galicia

1º Concurso de Cociña con Pataca de Galicia

Información
10 Enero 2019 124 votos
1 1 1 1 1 1 1 1 1 1
O cociñeiro José Antonio Mallón asesorou ao alumnado

O cociñeiro José Antonio Mallón asesorou ao alumnado

O alumnado da Escola Municipal de Hostalaría celebrou hoxe no seu propio masterchef, un concurso de cociña organizado pola Indicación Xeográfica Protexida Pataca de Galicia para promocionar a nosa pataca e para fomentar a participación do alumnado en actividades relacionadas cos produtos autóctonos, neste caso con máis motivo, xa que o noso concello é un dos incluídos na IXP.

 

Ensaladilla proposta por Mallón

Ensaladilla proposta por Mallón

A xornada comezou cunha charla a cargo de José Antonio Chao Fernández, representante da IXP Pataca de Galicia, e un showcooking a cargo de José Antonio Mallón, cociñeiro do colectivo Remollo, que elaborou a receita que ía servir de inspiración para o concurso posterior. Porque o obxectivo dos/as alumnos/as era preparar unha ensalada rusa utilizando como ingrediente principal a Pataca de Galicia e intentando darlle o seu toque persoal.

A participación estivo limitada a 12 alumnos/as, como establecen as bases do certame, no que compiten oito centros de toda Galicia. A orixinal ensalada que preparou José Antonio Mallón (na imaxe), foi o modelo da maioría do alumnado, aínda que varios optaron por outras elaboracións, tanto clásicas coma menos convencionais.

Os membros do xurado

Os membros do xurado

O xurado, integrado por José Antonio Chao, José Antonio Mallón e o director da Escola Municipal de Hostalaría, Fernando Agrasar, despois de valorar o proceso de elaboración, a presentación e o sabor, outorgou dous premios: o primeiro, a Miriam Carballido, que levou un lote de produtos integrado por un saquiño de patacas, un pelador, un sifón e un mandilón, e o segundo, a Pablo González, que conseguiu un saco de patacas.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...