Información
Galicia

Esquerda Unida reúnese coa Comisión Europa e denuncia a desidia de Feijoo e da Xunta ante a contaminación por lindano no Porriño

Información
08 Noviembre 2018 293 votos
1 1 1 1 1 1 1 1 1 1

166f37d6fb27592dEva Solla e Pedro Ocampo, reunidos coa Dirección Xeral de Medio Ambiente da Comisión Europea, coñeceron a existencia de estratexias de remediación do chan, así como técnicas e proxectos para eliminar o lindano.

Bruxelas, 8 de novembro de 2018. Eva Solla, coordinadora nacional de Esquerda Unida e deputada de En Marea, Pedro Ocampo, concelleiro de EU Son Porriño, xunto a europedutado Javier Couso, estiveron reunidos esta mañá con Humberto Delgado Rosa, representante da Dirección Xeral de Medio Ambiente da Comisión Europea, en Bruxelas, coa fin de trasladar a problemática da contaminación por lindano.

 

Hoxe trasladamos a nosa preocupación á Comisión Europea (CE) porque as autoridades competentes non se poñen de acordo en tomar medidas respecto ao problema do lindano”, explica Eva Solla, que sinala que o que traslada Bruxelas é que “existen medios dispoñibles para que as comunidades autónomas planifiquen estratexias de remediación do chan, incluso hai técnicas e proxectos para eliminar o lindano, algúns en experimentación, e polos que a Xunta de Galicia non se interesou”, critica. “Tamén nos informan de que é a Xunta a administración competente a que ten que tomar a decisión e, a partir de aí, pode obter apoio para fondos europeos de planificación e retirada de lindano, tal e como se está a facer en outras comunidades como Aragón”, que padece unha problemática similar.

Ante esta actitude do goberno galego, Eva Solla fai fincapé en que demandará á Xunta medidas ao respecto “para protexer a saúde das veciñas e veciños do Porriño, e do resto de concellos afectados, que chegan case a Portugal”. Pola súa banda, o concelleiro de EU Son Porriño, Pedro Ocampo, valora de “produtiva” a reunión desta mañá, aínda que tamén lamenta que dende as administracións non se fixera ningunha petición, en aras de solventar isto, a Europa. “Foi por esa desidia que non se puido actuar, pese a poder obter financiación e tecnoloxía novidosa para a remediación do lindano”.

Por todo isto, dende Esquerda Unida denunciamos unha vez máis a desidia da Xunta, que non ten feita ningunha actuación efectiva para eliminar os residuos de lindano, e instamos a que se implique, apelando ás institucións europeas, para paliar este problema ecolóxico e sanitario, tal e como fixeron outras zonas do Estado como Aragón.

lineaazul 1600

Otros articulos relacionados.....

Preto de 20 colectivos galegos responderon ao chamado da...

"Ourense convértese nestes días na capital nacional das ciencias...

Na primeira xornada imos festexar o Día Internacional dda...

Os versos de Salvador García-Bodaño (Vigo, 1935) encherán este...

lineaazul 1600