Información
Galicia

Os socialistas denuncian que o PPdeG (Feijóo) vela polos intereses dos empresarios do xogo inducindo a mais ludopatía entre galegos/as

Información
17 Octubre 2018 289 votos
1 1 1 1 1 1 1 1 1 1

O portavoz de Sanidade do Grupo Socialista, Julio Torrado, lamentou hoxe o veto do PP a unha proposición non de Lei do PSdeG para incluír medidas para a prevención das condutas aditivas na futura Lei do Xogo de Galicia. O responsable socialista presentou esta proposta na Comisión de Sanidade celebrada hoxe, onde lle preguntou ao PP polas posibles influencias dos lobbies do xogo sobre o goberno galego.

 

Esta é a única explicación posible, dixo, da resistencia do PP a incorporar campañas de prevención e accións de sensibilización ante as condutas aditivas relacionadas co xogo, ou a pedirlle á Xunta un informe sobre a situación actual do xogo en Galicia dende o punto de vista da prevención e asistencia aos afectados e implementación de medidas do goberno.

Lembrou que aínda que o PP afirme que “está traballando” na Lei do Xogo, mantén “en redacción” a estratexia galega fronte ás adiccións, e “leva anos loitando” fronte ao xogo patolóxico en menores, segue sen presentar “ningunha realidade palpable”. Apuntou neste sentido que están “atrapados entre o que saben que teñen que facer ou o que de verdade lles pide o corpo”.

Advertiu que “fronte ás toneladas de palabrería do goberno galego, que aínda se rexe pola Lei do Xogo de 1985, chegou Pedro Sánchez e en 100 días aprobou unha estratexia contra o xogo patolóxico dentro do Plan Nacional Sobre Drogas”.

Alertou das enormes presións e intereses que rodean á nova Lei do Xogo ás que o goberno galego ofrece unha resposta “demasiado liviana, apenas con brindes ao sol que non se concretan en nada”. Censurou a falla de resposta aos problemas de saúde pública derivados das condutas aditivas, “froito do retraso na lexislación ou da súa non aplicación”.

lineaazul 1600

Otros articulos relacionados.....

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...

O sábado 19 en sesión de tarde e o domingo 20 en dobre sesión...