Información
Galicia

O Goberno de Feijóo logrou destruir mais dun 20% dos recursos da Escola Superior de Arte Dramática de Galiza

Información
14 Septiembre 2018 576 votos
1 1 1 1 1 1 1 1 1 1

O persoal da ESAD (Escola Superior de arte Dramática de Galiza), con sede en Vigo, vén de convocar tres días de folga para esixir a restitución dos seis postos de traballos perdidos nos últimos dous anos. A CIG-Ensino apoia a medida e chama a participar das concentracións que decorrerán os vindeiros luns 17, martes 18 e mércores 19 de setembro.

 

Despois da aprobación maioritaria dos traballadores/as en asemblea, a ESAD vivirá os días 17, 18 e 19 de setembro tres xornadas de folga en protesta pola consumación da perda de seis postos de traballo nos dous últimos anos.

A dirección do centro reclamaba para este curso académico tres novas vacantes e a Consellaría, tras o informe do funcionario da inspección educativa, non só non concedeu ningunha senón que eliminou outras tres, adxudicando só 34 interinidades, cando en 2014 chegou a contar con 42.

Responsabilizan dos recortes ao inspector encargado do centro

Esta decisión, segundo explican, chega nun momento no que se incrementou considerablemente o número de alumnado matriculado nos primeiros cursos e no que en certas especialidades como dirección escénica ou dramaturxia, após os peores anos da crise económica, xa está estabilizado.

O claustro do centro atribúe os recortes ao “particular asañamento“ do inspector encargado desta área, Gustavo Lorenzo Prozzo, que se manifesta na intromisión nas prazas solicitadas, cambiando nalgúns casos o seu perfil, no acoso aos cargos directivos e no menoscabo á autoridade do profesorado, nun comportamento que a CIG-Ensino califica de “hostil e arbitario”.

Así mesmo, acúsano de aplicar a normativa dun instituto de Secundaria nun centro no que se imparten estudos superiores, equivalentes ao grao universitario, coas particularidades que teñen estas ensinanzas.

A CIG-Ensino apoiará durante estes tres días de folga as diversas concentracións de protesta, organizadas polo persoal da ESAD, para reclamar a adxudicación das vacantes solicitadas e que se celebrarán nos seguintes lugares:

- LUNS 17: Concentración ás 12 diante do Edificio da Xunta en Vigo.

- MARTES 18: Concentración ás 11 na Xefatura Territorial de Pontevedra.

- MÉRCORES 19: Concentración ás 11 na Xefatura Territorial de Pontevedra.

lineaazul 1600

Otros articulos relacionados.....

El Campeonato Gallego Juvenil de Waterpolo se disputará un año...

FranquiAtlántico, el Salón de franquicias de referencia en el...

- Trátase da 4ª edición desta carreira de aventuras por equipos...

A secretaría das Mulleres da CIG presentou esta mañá, en...