Información
Galicia

O Club de Remo Cabo de Cruz gaña a XXIX edición da Bandeira de Traíñas

Información
16 Agosto 2018 765 votos
1 1 1 1 1 1 1 1 1 1

O Club de Remo Cabo de Cruz gaña a XXIX edición da Bandeira de Traíñas “Deputación da Coruña”Dez clubs de remo da provincia disputaron hoxe mércores, en Rianxo a tradicional Bandeira de Traíñas da Deputación da Coruña. O Club de Remo Cabo de Cruz Cruz foi o vencedor desta vixésima novena edición.
O deputado responsable da área de Deportes, José García Liñares, foi o encargado de entregar os premios aos vencedores despois da proba onde destacou "a longa traxectoria da bandeira de traíñas  " que a converten "nunha das competicións con maior prestixio e arraigo do remo galego e nun espectáculo en augas de Rianxo".


Neste sentido, apuntou que a intención da Deputación é "seguir apoiando economicamente o gran labor que realizan os clubs de remo da provincia e fomentar a afección a este deporte", unha disciplina "moi esixente fisicamente", que ademais "conta cunha gran tradición en todo o litoral galego".
Os clubs participantes nesta edición foron: Club de Remo Cabo de Cruz, Club de Remo Ares, Club de Remo Puebla, Club de Remo Rianxo, Club de Regatas Perillo, Club de Remo A Cabana-Ferrol, Club Deportivo Mariñeiro de Mera, Club Mar de Mugardos, Club de Remo de Muros e Asociación Deportiva Esteirana de Remo.
Os remistas percorreron 3 millas náuticas (5.556 metros), distribuído en 4 largos de 1.390 metros con 3 ciabogas. A competición desenvolveuse en dúas quendas. Na primeira participaron o Club de Remo de Muros, o Club de Remo A Cabana-Ferrol, o Club Mar de Mugardos, o Club de Regatas de Perillo e a Asociación Deportiva Esteirana de Remo. A segunda quenda contou coa participación do Club de Remo Cabo de Cruz, Club de Remo Ares, Club Deportivo Mariñeiro de Mera, Club de Remo Rianxo e Club de Remo Puebla.
O Club de Remo Cabo de Cruz, gañador da Bandeira nesta edición, conseguiu 2.500 €. O Club de Remo Ares, segundo clasificado, 2.000 € e o Club Deportivo Mariñeiro de Mera, terceiro clasificado, 1.800 €. O resto de premios quedaron así distribuídos: cuarto 1.500 €, o quinto 1.300 €, o sexto 1.200 €, o sétimo 1.000 €, o oitavo clasificado 900 €, o noveno, 800 €, e o décimo, 700 €.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...