Información
Galicia

Asociacion Galega para a Defensa da Sanidade Pública culpa directamente aos altos cargos do Sergas do falecemento dun doente no PAC da Estrada

Información
07 Agosto 2018 261 votos

Ante a información do falecemento o pasado sábado dun paciente no Punto de Atención Continuada da Estrada por falta de asistencia (ao non estar dispoñible o persoal facultativo por atender outra urxencia fora do Centro)  dende a Asociación Galega para a Defensa dá Sanidade Pública queremos expresar o seguinte:

 

1.- A nosa solidariedade coa familia do paciente, falecido sen recibir a asistencia necesaria, algo incompatible cun sistema sanitario público que garanta unha atención, continuada e de calidade.

2.- Indignación polas contradicións dos responsables do SERGAS, incapaces de asumir os seus erros ou de informar de xeito claro e transparente. Non é aceptable a información chea de contradicións e dirixida a trasladar as responsabilidades aos profesionais (ou ao "destino").

3.- Protesta por que o SERGAS non tivera en conta as denuncias dos traballadores dos servizos de urxencias dos Puntos de Atención Continuada, sobre a falta de persoal médico de reforzo e de recursos, para evitar situacións como ésta. Esta situación afecta de xeito especial á poboación que vive no rural, afastada dos centros hospitalarios.

Desde asnosa Asociación, consideramos que esta desgraciada situación ven demostrar as advertencias que vimos realizando ao longo dos últimos anos sobre as consecuencias da política de recortes de orzamentos e persoal, levada a cabo pola Xunta de Galicia do Sr. Feijoo, co obxectivo de reducir o gasto sanitario público e abrir espazo á sanidade privada. As protestas e mobilizacións xeneralizadas por toda Galicia, pola ausencia de substitucións de persoal de baixa ou de vacacións que masifican os Centros de Saúde ou a pechadura de consultas e traslados de pediatras (afastando a nenos e familias dos servizos asistenciais) son outras mostra desta situación.

Si non hai substitutos (como alega o SERGAS como xustificante) é pola súa falta de planificación, a súa mala xestión , a súa política de recortar e precarizar as condicións de traballo na Atención Primaria que fai que os traballadores/as fuxan fora de Galicia.

Exiximos unha información transparente e veraz do ocurrido e o cambio urxente de rumbo da política de recortes e privatizacións, para evitar o deterioro do sistema sanitario público galego. Tamén, que o Presidente da Xunta dé a cara e manifeste o por qué destas situacións.

Asociacion Galega para a Defensa da Sanidade Pública

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi