Información
Galicia

Os cargos de confianza de Feijoo na CRTVG ameazan co despedimento a unha xornalista por negarse a falsear as informacións

Información
02 Agosto 2018 369 Votos

O comité de empresa da CRTVG denuncia ameazas de despedimento a unha xornalista por reivindicar a pluralidade dos medios públicos

Os sindicatos consideran que a Corporación expedienta á traballadora por mencionar as

mobilizacións do persoal contra a manipulación mentres presentaba de xeito altruísta unha

gala benéfica contra o cancro á que asistía o presidente da Xunta

Santiago de Compostela, a 2 de agosto de 2018.- O comité de empresa da Corporación Radio e

Televisión de Galicia (CRTVG) denuncia que a dirección está a represaliar a unha traballadora por terse

posicionado publicamente a prol da pluralidade e a imparcialidade nos medios públicos e contra a férrea

manipulación informativa imposta pola actual dirección da cadea que está a provocar mobilizacións

masivas do persoal nos chamados “venres negros”.

A representación sindical considera desproporcionado, discriminatorio e indignante o expediente

sancionador por falta moi grave, con risco de despedimento, incoado contra unha xornalista pola

dirección argumentando que, supostamente, incumpriu unha norma que impide usar medios da CRTVG

para participar en actos alleos á Corporación, malia que a traballadora actuou conforme as medidas

habituais establecidas e lles solicitou aos seus superiores os permisos pertinentes para exercer como

presentadora, de xeito totalmente altruísta, na gala benéfica que organizou Asociación Española contra o

Cancro celebrada o pasado 22 de xuño en Compostela. O comité ten contrastado que a xornalista seguiu

escrupulosamente o protocolo que empregan o resto dos profesionais e das profesionais que participan

en actos deste tipo, incluíndo persoal directivo, que mesmo acode a eventos de carácter remunerado sen

que nunca se producise unha reacción semellante por parte dos actuais nin de anteriores responsables do

medio.

De feito, o propio colectivo de presentadoras e presentadores da CRTVG dirixiulle á dirección de

Recursos Humanos un escrito de solidariedade coa súa compañeira para expoñerlle que o procedemento

habitual que utilizan para ese tipo de colaboracións é o mesmo que o empregado pola profesional que

agora a dirección pretende sancionar.

Para o comité de empresa, a desmedida reacción da Corporación obedece exclusivamente a unha

represalia irracional contra a traballadora por ter presentado a súa dimisión nos labores de presentadora

en protesta polo férreo control informativo imposto actualmente nos servizos informativos da TVG,

pero tamén por ter aludido publicamente a esa situación durante a devandita gala contra o cancro

mentres estaba presente o presidente da Xunta que, a xuízo da representación sindical, no canto de

adoptar as medidas axeitadas para erradicar a censura previa e a manipulación informativa instalada nos

medios públicos na procura dunha auténtica rexeneración democrática permite que se sancione á

xornalista. Para o comité, a posición honesta da traballadora enaltece a imaxe pública da prestación e

contribúe a paliar o dano irreparable que están provocar as manipulacións da actual dirección sobre o

concepto que ten a cidadanía dos servizos públicos esenciais, polo que considera a apertura do

expediente sancionador un acto máis próximo á corruptela institucional que á normalidade democrática.

O comité de empresa tamén alerta do grave deterioro das relacións laborais na Corporación polas

decisións de parte do equipo directivo recentemente nomeado polo director xeral que, para o conxunto

dos sindicatos, non se seleccionou en todos os casos obedecendo aos criterios profesionais que deben

rexer imperativamente nunha entidade de carácter público.

Os sindicatos que conforman o comité de empresa da CRTVG esixen a retirada inmediata do expediente

á traballadora e aseguran que canalizarán todas as súas enerxías a prol do cumprimento da lei de medios

públicos de comunicación audiovisual de Galicia. Igualmente, solicitan a remuda do actual director

xeral baixo uns criterios estritamente democráticos que permitan rematar coa actual situación de

permanentes ataques a un persoal xa farto de confrontacións para defender a pluralidade e a

imparcialidade do servizo público de radio e televisión conforme establecen as normas esenciais sobre o

dereito fundamental á información.

Galicia: Por la dignidad de los medios públicos y privados "CORROMPIDOS" por el Partido Popular


 

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi