Ana Pontón a Feijóo: “Que pasaría se en 10 días asasinasen a 4 deputados e tentasen asasinar a outros 3?”

XornalGalicia  23 Noviembre 2017  732 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Ás portas do 25N a portavoz nacional, Ana Pontón, aproveitou a sesión de control ao presidente para facer unha dobre proposta na loita contra a violencia machista: Garantir o cumprimento da Lei galega contra a violencia de xénero e incrementar os fondos destinados a combater un problema de tal magnitude que afecta a metade da poboación.

 

“Destinar o 1% dos orzamentos, un euro de cada cen, 90 millóns de euros, o que permitiría multiplicar por 20 os recursos actuais, e crear unha unidade especial dentro da Vicepresidencia encargada de facer cumprir a Lei galega contra a violencia de xénero na Xustiza”, propuxo Pontón a Feijóo, “basta con que haxa vontade política”.

Esa unidade tería como obxectivos concretos impulsar xulgados específicos en todas as cidades, garantir a formación en violencia de xénero do persoal que intervén no proceso xudicial, evitar a violencia institucional gravando as declaracións das vítimas e evitar que teñan que repetila, unha e outra vez, ao longo do proceso de denuncia e garantir a separación entre vítima e agresor nos xulgados.

Pontón chamou a atención sobre “a normalidade social que mesmo chega a culpabilizar ás vítimas” coa que se percibe a violencia machista “que discrimina, que agrede, que humilla, que golpea, que viola e mesmo que mata ás mulleres polo mero feito de selo”. No que vai de século, o machismo suma máis mortes no Estado que o terrorismo, “pero a resposta social e institucional é moi diferente”, subliñou.

“No que levamos de mes, houbo 3 intentos de feminicidio e 4 mulleres foron asasinadas polos seus compañeiros. Pregúntome, igual que moitas mulleres, que pasaría se en 10 días asasinasen a 4 deputados e intentaran asasinar a outros 3? Cal sería a reacción social, e sobre todo como reaccionaría a Xunta e o poder do Estado? É unha resposta incómoda, pero necesaria”, argumentou Pontón.

Neste sentido, reclamou de Feijóo que demostre con feitos o compromiso da Xunta. “Se a violencia que mata ás mulleres fose considerada terrorismo, a resposta iría máis aló que lazos na solapa e minutos de silencio”, alegou, mentres volvía reclamar a retirada da campaña institucional por paternalista e machista.

“Non se soluciona o problema con campañas que atentan contra a dignidade da mulleres porque non somos nin unha catedral, nin unha ponte, nin unha muralla. As mulleres non somos patrimonio, somos humanas que non precisamos que nos protexan, senón dereitos e que a sociedade reaccione cando nos agreden. Se a violencia é terrorismo, respondamos como o fan co terrorismo de estado”, reclamou.

Pontón puxo en valor o traballo realizado polo BNG durante o goberno bipartito, empezando pola Lei galega contra a violencia de xénero, pioneira no Estado, ou ter impulsado que as axudas as vítimas non se vinculen a unha denuncia previa.

Acabar coa violencia machista “require a implicación de toda a sociedade, e os gobernos son os primeiros que deben demostrar esa implicación pasando das palabras aos feitos”, concluíu a súa intervención, que inicio cun recoñecemento expreso ao feminismo. “Sen elas, sen a súa rebeldía e pensamento crítico seguramente eu non estaría hoxe falando neste Parlamento”, concluíu.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

El Palacio de María Pita luce BANDERA A MEDIA ASTA tras anunciar su próxima candidatura #XulioFerreiro convirtiendo las esperanzas de más del 90% de los coruñeses en un "martirio".

Viernes, 08 Diciembre 2017
El Palacio de María Pita luce  BANDERA A MEDIA ASTA tras anunciar su próxima candidatura #XulioFerreiro convirtiendo las esperanzas de más del 90% de los coruñeses en un "martirio".

Su personal modo de ver la política ya reconocida por la mayoría como un fraude "trilero felón" en la que esta acusado de convertir la Ciudad en un estercolero y...