Loli Toja deixa co cu ao aire a Conselleira Rosa Quintana, destapándolle as TROLAS que puxeron en grave risco o producto galego das rías e as 36.000 familais que viven do sector

XornalGalicia  08 Noviembre 2017  1204 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

O Pleno do Parlamento aprobou hoxe por unanimidade unha proposición non de Lei do Grupo Socialista para reclamarlle á Xunta que active efectivamente o Plan territorial de continxencias por contaminación mariña –Camgal-, para protexer ás rías do efecto das cinzas derivadas dos lumes de outubro.

A portavoz de Pesca do Grupo Socialista, Loli Toja, acusou hoxe ao goberno galego de levar 20 días dende os incendios “mentindo sobre a activación do Plan Camgal” e polo tanto poñendo en perigo á produción marisqueira ao renunciar a poñer en marcha as medidas preventivas. Explica que “hoxe constatamos que o dito Plan non ten sido activado polo goberno galego”.

 

A responsable socialista sinalou que “unicamente sabemos da súa posta en marcha porque a directora de Desenvolvemento así o dixo na Comisión de Pesca” pero, advertiu, trátase dun plan “pantasma”, xa que “non está” formalmente constituído, e “polo tanto non existe” ao carecer de órganos de resposta e de recursos destinados á prevención.

Advertiu que “ninguén coñece o documento público do Plan Camgal”, xa que “descoñecemos o contido do Consello do día 16”, tampouco foi publicado no Decreto de medidas urxentes do 19 de outubro, nos DOG posteriores, na páxina do Intecmar nin na comparecencia de Feijóo no Parlamento.

Engadiu que “non temos ningún coñecemento das medidas concretas adoptadas, nin cales son os órganos de resposta, nin os recursos mobilizados”. Toja explicou que a regulación deste Plan, publicada no decreto 135/2016, determina os óranos de resposta, que inclúen un Centro de Coordinación Operativa, os grupos operativos de resposta, as unidades de apoio e outros.

Vixilancia insuficiente

A parlamentaria socialista sinalou que “non é suficiente con dicir que están vixiando”, e alertou da urxencia de “tomar as medidas que agora son posibles para evitar que as consecuencias destes lumes se multipliquen”.

Advertiu que “é necesario establecer medidas preventivas coa máxima urxencia”, para evitar que as substancias tóxicas cheguen ao mar, onde afectan directamente ao ecosistema produtivo de mariscos e moluscos. Nestes últimos a incidencia resulta especialmente grave, xa que a contaminación prodúcese por filtración, un proceso no que reteñen gran cantidade de materia orgánica.

Texto da iniciativa aprobada hoxe:

-“O Parlamento de Galicia insta ao Goberno galego a tomar as medidas axeitadas para activar o Plan Territorial de Continxencias por Contaminación Mariña Accidental de Galicia, nos litorais afectados, para evitar os riscos potenciais, derivados dos graves incendios ocorridos o 15 de outubro, en concreto as medidas recollidas no artigo 8 e seguintes do Decreto 135/2016 do 6 de outubro”.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Jueves, 18 Enero 2018
Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Todas las entidades representadas en PLADESEMAPESGA piden el cese del jefe de prensa censor y culpable de la crispación existente en el Concello de A Coruña..   En la campaña...