Información
Galicia

Os socialistas denuncian que Feijóo trata de engañar as victimas dos lumes con "letra pequena" que esconde aos perxudicados

Información
26 Octubre 2017 1655 votos
1 1 1 1 1 1 1 1 1 1

OS SOCIALISTAS ALERTAN DA “LETRA PEQUENA” DA XUNTA NAS AXUDAS ÁS VÍTIMAS DOS LUMES

Patricia Vilán sinala que as axudas anunciadas por Feijóo están limitadas aos lumes intencionados e que “no mellor dos casos terán que agardar a ter sentenza firme”

Os socialistas reclaman a retirada da cláusula que limita as axudas aos casos nos que “como resultado das investigacións, se determine a existencia de intencionalidade”

 

A portavoz de Xustiza do Grupo Socialista, Patricia Vilán, deu hoxe a alarma sobre a “letra pequena” que agocha o decreto de axudas para as familias dos falecidos e ás persoas hospitalizadas polos lumes da semana pasada. A responsable socialista esixiulle explicacións ao goberno galego no Parlamento e solicitou a retirada desta cláusula.

 

 

 

Vilán lembra que logo da vaga de lumes, de tráxicas consecuencias, o presidente da Xunta anunciou “axudas inminentes” de 75.000 euros para as familias das vítimas e de entre 60 e 103 euros por cada día de hospitalización ás persoas danadas. Acusou ao presidente da Xunta de “agochar a letra pequena”, xa que o artigo 6 do decreto “dise expresamente que se concederán axudas sempre que, como resultado das investigacións iniciadas, se determine a existencia de intencionalidade”.

 

 

 

A responsable socialista sinala que “este artigo significa que as familias das persoas falecidas e os feridos só recibirán axudas no momento en que unha sentenza firme probe a intencionalidade por parte de alguén”. Explicou que, “no mellor dos casos, cando se demostre ese terrorismo incendiario do que fala Feijóo e que non aparece por ningures, están condenados a agardar periplos xudiciais que poden durar anos”.

 

 

 

Vilán lamenta a “falla de escrúpulos desta Xunta e do seu presidente” ao “utilizar ás vítimas de forma sibilina para vender un produto que non é certo, demostrando que a prioridade non son as familias nin os afectados, a súa única preocupación é o rédito publicitario que poida acadar”.

 

 

 

Os socialistas presentarán por isto unha serie de propostas parlamentarias para modificar o dito artigo do Decreto de axudas para suprimir a frase “sempre que, como resultado das investigacións iniciadas, se determine a existencia de intencionalidade”.

 

lineaazul 1600

Otros articulos relacionados.....

FranquiAtlántico, el Salón de franquicias de referencia en el...

- Trátase da 4ª edición desta carreira de aventuras por equipos...

A secretaría das Mulleres da CIG presentou esta mañá, en...

Destacado Campionato de Galicia de lanzamentos longos Sub16/18/20...