Información
Galicia

Denuncian ao Goberno de Feióo de atrasar intencionadamente o pagamento das axudas de normalización lingüística aos centros

Información
28 Septiembre 2017 1328 votos

A Xunta segue demostrando o seu desleixo coa lingua galega ao non aboarlles aos Equipos de Normalización Lingüística “as xa de por si raquíticas axudas” que lles corresponden do curso pasado.

 

 

A Consellería de Educación segue desprezando o noso idioma ao adiar cada ano máis o pagamento da cantidade que reciben os Equipos de Normalización, arredor de 300 euros, para realizar actividades que promovan o uso do galego entre a comunidade educativa. Cando xa levamos case un mes desde o inicio do curso escolar aínda non se aboaron as axudas que lles foron concedidas no pasado curso, superando incluso a data na que se fixo o aboamento noutras ocasións.

 

 

Desde o sindicato nacionalista lembrámoslle á administración galega que ten que cumprir o Plan de Normalización Lingüística e poñer todos os recursos ao alcance da comunidade educativa para promocionar o galego entre o alumnado. Neste sentido, as cantidades que se destinan son “totalmente irrisorias” e apenas cobren gastos anecdóticos “como o transporte en autobús para acudir a unha actividade normalizadora”. “Malia que o Partido Popular alardea de que se está a producir unha recuperación económica, mantén o recorte nun 60% no orzamento destas axudas e non se digna a dotalas cunha cantidade que realmente permita programar actividades con algo de entidade”.

 

 

Así mesmo, para facilitar a planificación dos gastos que se van acometer, os Equipos de Normalización precisan que a convocatoria se publique a comezos de curso e que a resolución se faga, a máis tardar, no inicio do segundo trimestre. Desde a CIG-Ensino estase a reclamar ano tras ano que se mellore a xestión deste tema sen que a Consellería até o momento fixera nada por darlle unha solución.

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 


Otros articulos relacionados.....