Amigos da Terra, SLG, ORGACCMM, Frouma e FEG denuncian que a Xunta non realizou aínda os traballos de prevención de lumes orzados para 2017

XornalGalicia  15 Septiembre 2017  599 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 
Tras a intervención triunfalista sobre a campaña de incendios de 2017 que fixo a conselleira de Medio Rural esta semana no Parlamento, queremos denunciar que Galiza segue sen contar cunha política de prevención de incendios que teña como fin principal a xestión sustentable dos ecosistemas forestais e que trate de evitar os incendios para non ter que apagalos. A Xunta de Galicia aposta todo a unha carta "extinción-extinción...". E a mellor proba disto é que, estando a mediados do mes de setembro, agora que veñen os primeiros orballos e choivas que anticipan o outono, a Xunta comezará cos traballos de prevención previstos e orzados para o ano 2017 que, a día de hoxe, están aínda sen realizar. Nin que dicir ten que a conselleira, cando afirmou esta semana que “por parte da Administración galega, as actuacións concéntranse na prevención e valorización forestal”, mentiu.

 

Galicia é o territorio de Europa que máis diñeiro destina a extinción de incendios forestais (neste ano 174 millóns de euros). Dende hai anos, as distintas organizacións sociais temos insistido na necesidade de tratar de equilibrar o diñeiro destinado a prevención e a extinción ao igual que fan os países con cultura forestal. Ademais deste imprescindible equilibrio, é necesario realizar os traballos ao seu debido tempo e os labores de prevención deben estar feitos a comezo do verán. Unha das queixas dos e das profesionais dos servizos de prevención e extinción de incendios forestais, así como dos propietarios dos montes, é o estado de abandono da chamada infraestrutura de prevención (camiños, devasas, áreas cortalumes, xestión de biomasa nos lugares estratéxicos dos montes...). Un ano máis, a Consellaría do Medio Rural traballa ao chou sen calendario, sen obxectivos e cos labores de prevención do ano 2017 sen realizar, cando xa esta a piques de rematar o verán (época de máximo risco de incendios).

 

As organizacións que a comezos de verán abandonamos a última sesión do Consello Forestal (Organización Galega de Comunidades de Montes, Sindicato Labrego Galego, Asociación Frouma, Federación Ecoloxista Galega e Amigos da Terra) xa advertimos desta situación, así como da permanencia das causas na orixe dos incendios forestais:

 

  • Accidentes e neglixencias no uso de máquinas, alta intencionalidade, incendiarios, queimas agrícolas e forestais...
  • Falla de xestión forestal preventiva e falla dunha investigación profesional con recursos humanos e técnicos axeitados que afonden nas causas e na posta a disposición xudicial dos causantes.
  • Ausencia dun operativo que poida ampliarse e diminuírse en función das necesidades e que faga fronte aos efectos debidos ás vagas de calor ou ao cambio climático.
  • A precariedade laboral, coa privatización de parte do operativo e o traspaso doutra parte importante aos concellos sen as máis mínimas condicións de formación, equipamento e salarios.
  • A falla de políticas que fixen poboación no rural, que incide directamente nunha prevención activa (control social, coidado dos ecosistemas, mantemento da paisaxe...).
  • A falla de campañas de educación e sensibilización para o conxunto da poboación.
  • A necesidade de posta en marcha dun Plan Forestal que teña unha visión integral dos ecosistemas forestais e a súa integración dentro do sector agro-gandeiro de Galicia.

 

  • A ausencia de fomento da posta en valor do monte dende unha perspectiva multifuncional e sustentable, así como da implicación dos/as titulares dos mostes na súa xestión.

 

O presidente da Xunta de Galicia e a conselleira do Medio Rural, afeitos á publicidade e á presentación de todo tipo de campañas, teñen unha boa oportunidade e poden inaugurar algunha destas obras de prevención que comezaran a finais deste setembro que, coma sempre, vanse facer a destempo, ocasionando agora un enorme gasto inútil e constatando a ausencia total de políticas para a xestión sustentable do monte en Galicia.

 

O Sindicato Labrego Galego, Organización Galega de Comunidades de Montes, Federación Ecoloxista Galega, Asociación Frouma e Amigos da Terra consideramos que todo o anterior é unha demostración máis da falla de rumbo na política forestal da Xunta de Galicia e tamén consideramos que estas graves eivas arranxaríanse se o Goberno Galego crease dentro do Consello Forestal as mesas de traballo que longamente temos demandado distintas organizacións que integramos o devandito órgano consultivo e asesor da administración forestal da Xunta.
Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

El Palacio de María Pita luce BANDERA A MEDIA ASTA tras anunciar su próxima candidatura #XulioFerreiro convirtiendo las esperanzas de más del 90% de los coruñeses en un "martirio".

Viernes, 08 Diciembre 2017
El Palacio de María Pita luce  BANDERA A MEDIA ASTA tras anunciar su próxima candidatura #XulioFerreiro convirtiendo las esperanzas de más del 90% de los coruñeses en un "martirio".

Su personal modo de ver la política ya reconocida por la mayoría como un fraude "trilero felón" en la que esta acusado de convertir la Ciudad en un estercolero y...