Protesta na sede de Inditex en Arteixo polas malas condicións laborais....Afirman que Amancio Ortega prefire donar cartos para limpar súa imaxen persoal que atender os traballadores.

XornalGalicia  24 Junio 2017  1058 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Persoal de Lefties concentrouse este xoves diante da sede principal de Inditex en Arteixo en protesta pola “reiterada actitude de desprezo” da Dirección da empresa polos dereitos das traballadoras e traballadores e en demanda de melloras nas condicións laborais que veñen reclamando desde hai tempo.

O comité de empresa (CIG, CCOO e UGT), que convocou a protesta, demanda a nivel económico, o incremento na porcentaxe de comisión de todo o persoal de Lefties e incentivos equiparados aos que se cobran no resto das tendas da mesma empresa. A este respecto lembran que “Lefties é Zara España S.A. e non unha cadea independente” e que o seu persoal fai o mesmo traballando pero ten salarios inferiores.

 

Respecto das melloras laborais exixe a redución da excesiva carga de traballo mediante a oferta de horas ou ampliación de persoal e a eliminación da exixencia de xustificación nas solicitudes de redución de xornada por garda legal. Unha exixencia que entenden que supón “unha grave intromisión na intimidade e vida persoal das traballadoras”.

Acoso e discriminación

O comité asegura que solicitou en distintas ocasións á Dirección da empresa o traslado da persoa responsábel do departamento de Dirección de Tendas, polos seus comentarios discriminatorios. Denuncia que, porén, “non fixeron nada efectivo até o de agora para atallar estes comportamentos”.

Asegura que, lonxe disto, o único que se fixo foi iniciar uns “protocolos de averiguación” de maneira unilateral “sen consultar, nin dar participación ao Comité de Empresa, polo que se realizaron sen a transparencia necesaria”. Por iso advirte que “non imos permitir este estilo de dirección” e demanda “que se nos xulgue unicamente polo noso traballo, non por outras circunstancias discriminatorias e alleas á relación laboral”.

Seguridade nas tendas

Polo que respecta á seguridade nas tendas, o comité de empresa asegura que, tras dunha longa loita, a empresa vai contratar un vixilante de seguridade para a tenda de Torreiro. Lembra que as traballadoras e traballadores desa tenda, sobre todo, sofren situacións de risco de agresión e acoso, por parte de algúns clientes que xa teñen denunciado en distintas ocasións. Por iso agardan que sexa “unha medida permanente e non un apaño temporal como noutras ocasións”.

O comité non entende como unha empresa como Inditex, “que dona millóns de euros para outras causas, non inviste un peso para salvagardar a seguridade e integridade do seu persoal”, cando é coñecedora da súa situación.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

@XulioFerreiro representa o peor da "indecencia política" a nivel Nacional, "defeca" nos seus mesmas palabras e promesas electorais..Poñendo ao descuberto o que hai detrás das mareas

Sábado, 06 Enero 2018
@XulioFerreiro representa o peor da "indecencia política" a nivel Nacional, "defeca" nos seus mesmas palabras e promesas electorais..Poñendo ao descuberto o que hai detrás das mareas

  Para os incrédulos o alcalde da Coruña, converteuse en presidente da Empresa Municipal Augas da Coruña (EMALCSA), Xulio Ferreiro onde A"atesoura de forma oculta á cidadanía" tesouros públicos en...