Información

Este ano as Letras Galegas escríbense con C de Carballo

Información
XornalGalicia 13 Mayo 2017 1205 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Este ano as Letras Galegas escríbense con “c” de Carlos Casares... e de Carballo. Bótalle unha ollada á nosa programación e comprobarás que arredor do 17 de maio xorden as máis diversas manifestacións culturais: literatura por suposto, pero tamén teatro,  etnografía, monólogos, pop, música clásica, arte, baloncesto e mesmo sendeirismo. E aínda que pareza que non teñen nada que ver entre si, todas estas actividades teñen unha cousa en común: que che permiten usar e compartir a túa lingua sen restricións, sen límites e sen dereitos reservados. Esa é a nosa mensaxe para o Día das Letras Galegas e para todos os días do ano.

 

O programa, que podes consultar con detalle no documento anexo, arrancou xa esta semana con dúas actividades nas que Carlos Casares estivo moi presente; por unha banda, a presentación do libro de Henrique Monteagudo o mércores e, por outra, a sesión de contos de Bandullo Azul o xoves. E este domingo volvemos á carga con Vagalume Animación, que nos ofrecerá unha sesión teatral dobre. A escena estará moi presente ao longo de todo o mes, e mesmo nos primeiros días de xuño, porque ademais de Vagalume Animación, que ofrecerá dúas representacións máis os días 20 e 21, contaremos con Sergio Pazos, Víctor Grande e David Perdomo nos Monólogos R, e gozaremos coas novas montaxes da Aula de Teatro Municipal, que tamén ten programadas tres funcións para os días 3, 4 e 8 de xuño.

Inscríbete para a lectura colectiva do día 17

Teremos música de todos os estilos e para todos os públicos, unhas xornadas arredor do traxe tradicional galego, presentacións literarias e moitas outras actividades. Pero a xornada central desta gran conversa cultural cidadá será o mércores 17, con 650 nenos e nenas no Pequebasket da Escola Basket Xiria, o tradicional concurso de pintura de Lumieira e “As letras en voces”, unha lectura pública e colectiva na que todas e todos podedes participar. Só tedes que inscribirvos no Pazo da Cultura ou no teléfono 981 704 300.

PROGRAMA LETRAS GALEGAS 2017

El PSOE reclama a Monserrat un sistema unificado para acceder a todas las historias clínicas en cualquier parte del territorio

    • Modesto Pose critica que desde el año 2012, el Gobierno del PP ha venido reduci...

Celta B pón a sexta en Abegondo (1-3)

O Celta B encadeou a súa sexta vitoria consecutiva este domingo en Abegondo e, a falta de pecharse...

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..
Otros articulos relacionados.....