Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Mapa área afectadaO Sindicato Labrego Galego ofreceu hoxe unha rolda de prensa para denunciar os proxectos de extracción de seixo (cuarzo metalúrxico) que a empresa norueguesa Erimsa pretende levar a cabo nos municipios de Frades, Mesía, Oroso e Ordes. Agora mesmo, está en exposición pública un proxecto extractivo que afecta a parroquia de Xanceda (Mesía) e tres permisos de investigación que afectarían o resto de concellos mencionados. En total, estamos a falar de 6.721 hectáreas, o meirande de concentración parcelaria dedicada a praderías e leiras de cultivo, que constitúen a base territorial e alicerce de case duascentas granxas en activo, o 93% das cales son de produción leiteira, que manteñen medio milleiro empregos directos.

Para decatarnos da magnitude do perigo deste tipo de explotación mineira, grazas á experiencia de prospeccións que xa teñen afectado a granxas da zona, sabemos que a explotación de seixo consistiría na extracción de terra a ceo aberto, até unha profundidade de 2'5 metros, e o posterior recheo coa terra sen o seixo. Desta maneira, os terreos explotados quedan inservibles para a actividade gandeira. Isto é así porque ao extraer o mineral, que o elemento que lle confire estrutura ao solo e permite a drenaxe de auga, os prados non volven producir forraxe ao 100% até pasados uns oito anos como mínimo e calquera precipitación de choiva, por pouca que sexa, transforma o terreo nunha lameira impracticable para o gando maior e o acceso de tractores. Por riba, hai zonas de extracción a carón de núcleos habitados e das instalacións do gando.

En detalle, os proxectos dos que estamos a falar collen de cheo algunha das parroquias con maior concentración de granxas da comarca:

  1. Xanceda: Na parroquia de Xanceda (Mesía) e un anaco do municipio de Frades, Erimsa ten unha concesión de 781 hectáreas, cun proxecto extractivo en exposición pública que abrangue directamente 210 hectáreas. As granxas afectadas ascenden a 26, con 90 postos de traballo directos, e moitas delas están en réxime ecolóxico, polo que poderían perder a certificación das terras en caso de explotación mineira. Entre as máis afectadas están empresas emblemáticas como Casa Grande de Xanceda.

  2. Marís: Permiso de investigación para Erimsa en vigor até 2018 nun área que abrangue 3.060 hectáreas nas parroquias de Abellá, Galegos, Papucín e San Martiño, dacabalo entre Mesía e Frades. Destas terras dependen 63 granxas e 175 empregos directos.

  3. Andrea: Este permiso de investigación colle 2.610 hectáreas nas parroquias de Abellá e Galegos fundamentalmente, collendo territorio dos concellos de Oroso, Ordes, Mesía e Frades. Neste caso, falamos de 93 granxas que manteñen 157 postos de traballo. Permiso válido até 2018.

  4. Lamosa: Permiso de investigación para 270 hectáreas en Beán (Ordes) e Marzoa (Oroso). Válido até 2019. Aquí hai 15 granxas en activo, moitas de vacún de carne; e 40 empregos directos.

En contraste con estas cifras, Erimsa comprométese no seu proxecto a crear 8 postos de traballo temporais namentres dure a extracción de mineira.

Para informar de todo isto, o Sindicato Labrego Galego convocou unha asemblea aberta o xoves, 23 de marzo ás 22:00 horas, na Casa de Cultura de Xanceda (Mesía). Alí, informarase ás persoas afectadas e granxas sobre a etapa na que se atopa o proceso e asesorarase na redacción e presentación de alegacións.

Respecto ás valoracións, a coordinadora do SLG na bisbarra de Ordes, María Vieites, afirmou que “todos estes proxectos constitúen unha sentenza de morte para a comarca. Se estes proxectos van para adiante, as granxas afectadas deixarán de ter acceso á terra da que depende a súa actividade económica e mesmo poderían perder as axudas da Política Agraria Común (PAC) que perciben, que nesta zona supoñen de media uns 400 € por hectárea”. Ademais do proceso de alegacións da xente afectada, María Vieites dixo que ía ser determinante a posición dos concellos: “É importante destacar que os concellos onde se vai desenvolver a actividade de Erimsa teñen que emitir o seu ditame, polo que vai ser moi importante que gobernos municipais como o de Frades ou o de Mesía, que viven case en exclusiva da actividade gandeira, se opoñan a estes proxectos. Os concellos afectados deben decidir de que lado se poñen, se do lado de Erimsa, ou do lado das granxas afectadas”.

Pola súa banda, a coordinadora do SLG na Terra Chá, Margarida Prieto Ledo, que informou sobre os antecedentes da empresa Erimsa na Terra Chá, lembrou que esta mineira acumula xa varias sentenzas contrarias á súa actividade por parte do Tribunal Superior de Xustiza de Galiza e que, na zona afectada, ten cometido ilegalidades ao facer prospeccións sen licenza en Oroso, feitos denunciados polo SLG no seu día. A coordinadora do SLG na Terra Chá anunciou que “dende o Sindicato Labrego Galego imos facer todo o posible para que estes proxectos non se leven adiante e xa, nesta primeira fase, non se lle concedan a Erimsa os permisos necesarios para desenvolver a súa actividade”.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

Según fuentes de Xornal Galicia el registrador de la web de Marea Atlántica y – Vicepresidente: Manuel Aníbal Rodríguez de la Asociación de Vecinos del Ventorrillo "es la única que recibe subvenciones del Concello".

Miércoles, 20 Septiembre 2017
Según fuentes de Xornal Galicia el registrador de la web de Marea Atlántica y – Vicepresidente: Manuel Aníbal Rodríguez de la Asociación de Vecinos del Ventorrillo "es la única que recibe subvenciones del Concello".

La Asociación de Vecinos del Ventorrillo según fuentes de Xornal Galicia es la única Asociación de Vecinos de A Coruña que a recibido los fondos destinados a las asociaciones vecinales...