Información
Galicia

ESQUERDA UNIDA DENUNCIA A INDIFERENZA DO PP AOS CORTES DE LUZ EN GALICIA

Información
07 Febrero 2017 1556 votos
1 1 1 1 1 1 1 1 1 1

Dende Esquerda Unida consideramos inaceptables que os graves erros de mantemento e reparación que este temporal fixo patentes, e que aínda hoxe deixan ás familias galegas sen enerxía eléctrica, non obteñan solución por parte do Goberno do PP.

Compostela, 07 de febreiro de 2017. Esquerda Unida mostra a súa perplexidade ante a pasividade dun goberno que non está a facer absolutamente nada para resolver os problemas cos cortes de enerxía eléctrica que asolagan Galicia dende fai seis días. Con este temporal padecido, acreditáronse graves erros de mantemento e reparación da rede eléctrica e que prexudican gravemente ás familias galegas. O Goberno do PP demostra, coa súa pasividade, que está ao servizo das eléctricas e que nada está a facer ante o grave prexuízo económico que seguen a sufrir, por exemplo, diversas explotacións gandeiras do noso país.

Para Esquerda Unida, os prezos da luz son un todo un roubo legal por parte das eléctricas e, coa problemática derivada sobre a pobreza enerxética no noso país, non é nada raro que o debate da nacionalización se manteña á orde do día. De ser as eléctricas estatais, non estaríamos a falar da luz como dun obxecto de enriquecemento dos máis ricos, que suben o prezo nos días máis fríos, favorecendo os intereses empresariais en detrimento das persoas usuarias. Sobre todo, porque a luz non pode ser un obxecto de consumo, senón un dereito básico das persoas.

Por todo isto, dende Esquerda Unida reiteramos a necesidade de que se traballe para conseguir a nacionalización das eléctricas, cumprindo así unha demanda cidadá, xa que entendemos que dende o público débese xestionar a produción e distribución da enerxía, así como apostar por levar adiante un modelo de enerxía limpa da man das renovables, toda unha prioridade urxente. 

lineaazul 1600

Otros articulos relacionados.....

FranquiAtlántico, el Salón de franquicias de referencia en el...

- Trátase da 4ª edición desta carreira de aventuras por equipos...

A secretaría das Mulleres da CIG presentou esta mañá, en...

Destacado Campionato de Galicia de lanzamentos longos Sub16/18/20...