Información

#ReclamaciónTemporais: CCOO insta a Xunta a «actuar xa» para evitar a vía xudicial na problemática do persoal temporal das Administracións públicas

Información
XornalGalicia  21 Octubre 2016  1485 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Os responsables da Área Pública de CCOO presentaron hoxe a campañaO sindicato, que hoxe presentou unha campaña de asesoramento xurídico, calcula que unhas 42.200 persoas en Galicia poderían estar incluídas en situacións que a Xustiza europea considera «irregulares»

Comisións Obreiras (CCOO) insta a Xunta de Galicia a «actuar xa» para evitar a vía xudicial na problemática do persoal das Administracións públicas. A petición débese a que o Tribunal de Xustiza da Unión Europea (TXUE) declarou «ilegal» e «discriminatoria» a indemnización que a lexislación española establece para as traballadoras e traballadores temporais en caso de extinción do seu contrato de traballo ou do nomeamento administrativo temporal. Así mesmo, recoñeceu o dereito do persoal interino a unha indemnización que actualmente non recolle a lexislación española.

Os responsables da Área Pública de CCOO presentaron hoxe a campaña

Segundo CCOO, estas sentenzas poñen ao descuberto «graves carencias na nosa lexislación», que prexudican «seriamente» un «elevado» número de traballadores e traballadoras en todo o estado. O sindicato atribúe a situación ás políticas «baseadas na precariedade» que acometeron os gobernos estatal e autonómico nestes anos de crise.
Debido a isto, a Área Pública de CCOO de Galicia presentou hoxe, en conferencia de prensa, unha campaña informativa so o lema «#ReclamaciónTemporais», dirixida ás traballadoras e traballadores —tanto do sector público como do privado— para ofrecerlles asesoramento xurídico e sindical sobre os efectos das ditas sentenzas.
O coordinador da Área Pública de CCOO, Ramiro Otero, sinala que en Galicia hai aproximadamente 185.000 empregadas e empregados públicos, dos que case o 70 % pertencen ao ámbito da Xunta de Galicia e resto, en porcentaxes similares, á Administración Xeral do Estado e ás Administracións locais. De todas estas, ao redor de 42.200 persoas, das que o 65 % pertencen aos concellos, poderían estar incluídas en situacións que a Xustiza europea considera agora «irregulares».
Debido á magnitude do problema, CCOO considera que a Xunta «non pode cruzarse de mans», nin tampouco o Goberno en funcións «pode estar parado, porque aínda ten marxe de actuación». Isto, unido a que xa comeza a haber sentenzas no estado español que asumen o argumentario do TXUE, «fai desexable chegae a unha solución que evite a vía xudicial». Polo de agora, houbo unha xuntanza de ámbito estatal coa ministra de Emprego, e tamén en Galicia co conselleiro de Facenda, reunións nas que Comisións xa expuxo esta visión.
Na conferencia de prensa en que se presentou a campaña tamén interviñeron a secretaria xeral de CCOO-Ensino, Luz López, e o seu homólogo de CCOO-Sanidade, Ángel Cameselle, que explicaron as particularidades con que se atopan nos seus respectivos ámbitos.
López achacou este problema aos responsables das Administracións públicas e á «irrisoria» taxa de reposición, que provocou tanto a destrución de emprego público como a cobertura de maneira interina de postos de traballo estruturais, e ilustrouno cun dato: no 2009, a taxa de interinidade no ensino en Galicia era de case o 5 %, mentres que agora é do 13 %.
Pola súa parte, Cameselle sinalou que o groso do persoal interino da función pública galega está no ámbito do SERGAS, e defendeu unha oferta pública de emprego (OPE) para cubrir de maneira estable os postos de traballo estruturais, postura que tamén defendeu o coordinador da Área Pública de CCOO.
Por último, Ramiro Otero lembrou que, con independencia da decisión que adopte a Xunta, CCOO pon os seus departamentos xurídicos ao servizo das persoas que desexen formular as pertinentes reclamacións. «O sindicato está á súa disposición», enfatizou.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

#Xulio Ferreiro terrorista de los medios de comunicación, censor y ocultador de la información pública traslada fondos municipales a la Cadena Ser para un chiringuito sobre medios de comunicación al que no acudió ni el 4% de los medios de A Coruña

#Xulio Ferreiro catalogado como el peor enemigo de los medios de comunicación condenado por la Comisión de Transparencia de Galicia por censor, vulnerador de los derechos periodístocos se atreve a...

Pladesemapesga solicitaba el cese fulminante del Jefe de Prensa Municipal Rodri Suárez, al que catalogaba de "malandrino" del fracso electoral

Todas las entidades representadas en PLADESEMAPESGA piden el cese del jefe de prensa censor y culpable de la crispación existente en el Concello de A Coruña..   En la campaña...