Información
Galicia

A longametraxe "Sicixia", rodada en parte en Carballo, seleccionada na Sección Oficial do XXI Festival Cinespaña de Toulouse

Información
13 Septiembre 2016 2691 votos
1 1 1 1 1 1 1 1 1 1
Rodaxe de Sicixia na costa carballesa

Rodaxe de "Sicixia" na costa carballesa

A longametraxe Sicixia (Vía Láctea Filmes), dirixida por Ignacio Vilar, (A Esmorga) e rodada en parte en Carballo, vén de ser seleccionada na Sección Oficial do XXI Festival Cinespaña de Toulouse (Francia). O filme, concebido para poñer en valor o inigualable patrimonio material e inmaterial da Costa da Morte así coma o Rapa das Bestas de Sabucedo, foi seleccionada entre 128 longametraxes de ficción españolas e competirá con 6 longametraxes na categoría de ficción ante un xurado formado por recoñecidos profesionais do cinema francés.

O filme opta a gañar o Premio á Mellor Longametraxe, así coma Mellor Director, Mellor Guión ou o Premio do Público, entre outros

O filme opta á Violette d'or, Premio á Mellor Longametraxe, así coma aos Premios a Mellor director, Mellor actor/actriz protagonista, Mellor guión, Mellor fotografía, Mellor banda sonora e o Premio do Público. A participación dun filme cen por cen galego neste prestixioso certame supón de antemán un notable recoñecemento ao noso cinema e contribuirá á difusión da nosa lingua e da nosa cultura a través de dúas proxeccións durante o Festival: unha o luns 3 de outubro ás 18.00 h.; e outra o xoves 6 de outubro ás 19.15 h. nunha presentación do filme e coloquio co director, Ignacio Vilar, e o actor protagonista, Monti Castiñeiras.

Estrea en salas o 25 de novembro

Cómpre subliñar que Vía Láctea Filmes participa por segundo ano consecutivo no Festival Cinespaña (algo moi pouco habitual segundo indicaron os organizadores do certame). A Esmorga (Vía Láctea Filmes, TVG, Ed. Galaxia) foi o filme máis laureado na pasada edición (Mellor director, Ignacio Vilar; Mellor actor protagonista ex aequo Karra Elejalde, Miguel de Lira e A. Durán "Morris" e Mellor Fotografía, Diego Romero Suárez-Llanos).

No caso de Sicixia, a estrea en salas será o 25 de novembro de 2016. A película conta a historia de Xiao (Monti Castiñeiras) un enxeñeiro de son. Un novo encargo lévao á Costa da Morte para gravar os sons ma?is caracteri?sticos da contorna. Ali? coñece a Olalla (Marta Lado), unha gui?a local que recolle algas no Oce?ano Atla?ntico. A partir de ai?, as súas vidas fuxirán ao seu control coma mareas rexidas por unha lei superior.

lineaazul 1600

Otros articulos relacionados.....

A CIG súmase á campaña "Mañá podes ser ti" promovida por...

O evento, que terá lugar o vindeiro sábado, 19 de xaneiro,...

Día 16, 17 y 18 (continuación). P.A. 14/17. 9.30 horas. Estafa....

AUDIENCIA PROVINCIAL DE A CORUÑA

Sección primera.

Días,...