Información

Podemos Galicia celebra a súa asemblea autonómica

Información
XornalGalicia 30 Julio 2016 2694 Votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Podemos Galicia celebrou onte venres 29 desde as seis da tarde e ata preto da medianoite unha asemblea presencial autonómica coa que pechou o proceso de participación que a secretaria xeral de Podemos en Galicia, Carmen Santos marcou no documento político-organizativo co que foi elixida e que se abriu coas catro asembleas provinciais fai quince días. O encontro realizouse no hotel Apóstol Santiago da capital galega e contou con preto de 500 asistentes.

Podemos-Galicia rechaza por mayoría la marca En Marea y las felonías de @XulioFerreiro y @MartinoNoriega, los nacionalistas se quedan solos y rechazados hasta por la ciudadanía...

 

A secretaria xeral de Podemos Galicia, Carmen Santos, valorou á conclusión da reunión que "marchome moi satisfeita porque desde logo cando digan outras organizacións, que parece que lles molesta, o espírito participativo de Podemos, que vendemos participación pero que é mentira esta asemblea o que dá é unha proba clara de que podemos é unha organización diferente e que é unha organización que pode axuntar perfectamente a participación cunha dirección eficaz e eficiente".

Carmen Santos tamén manifestou a súa intención de asistir hoxe sábado á asemblea constituínte das mareas en común, algo que aínda que recibiu algunhas mostras de reticencias por parte dalgún dos presentes terminou por ser avalado. Carmen Santos indicou sobre a súa asistencia ao evento en Vigo que "eles (as mareas) son uns aliados fraternos, e queremos traballar con eles, pero queremos manter o noso proxecto que é lexítimo, e eses van á ser os termos nos que imos seguir traballando xuntos e tecendo alianzas".

Mediada a asemblea, a secretaria xeral dirixiuse aos presentes para anunciar a redacción definitiva da pregunta que se someterá aos 20.000 inscritos da formación morada en Galicia de maneira telemática e que se celebrará entre o día 31 deste mes e o 2 de agosto. Os termos da consulta foron recibidos moi calurosamente por todos os asistentes con berros de "Si se pode" e sobre a súa formulación tamén se manifestou Santos que indicou que: "pois o consenso da pregunta é que a dirección en todo caso estatal que autoriza este tipo de consultas recoñece a lexitimidade dende a secretaria xeral de formular a pregunta en consonancia co documento político organizativo votado polo inscritos".

 

Desenvolvemento da Asemblea

A Asemblea autonómica de Podemos iniciouse coa benvida do secretario xeral de Podemos en Santiago de Compostela, Victor Casas, á que seguiu a presentación do traballo realizado nas asembleas provinciais de fai 15 quince días.

A secretaria de participación, Begoña Hermida, presentou os datos relativos aos encontros provinciais celebrados fai quince días, que superaron os 500 participantes e dos que saíron máis de cen propostas distintas. Begoña Hermida resaltou algunhas das propostas en materia de participación, como as de máis asembleas telemáticas ou a participación da cidadanía nas áreas programáticas do partido.

A secretaria de Medio Rural de Podemos Galicia, Natalia Prieto, foi a encargada de presentar as propostas das bases de Podemos sobre como democratizar En Marea entre as que destacaron as que pedían que os representantes sexan elixidos por primarias, non por acordos de mesas de coordinación, ou que se esixa que a coalición cumpra cos mesmos requisitos que se autoimpón Podemos.

Ao Secretario de Mar da formación morada en Galicia, Rogelio Santos, tocoulle presentar a análise das propostas para integrar ás mareas municipais e aos movementos sociais no espazo de En Marea, que foron na liña de facilitar que as mareas municipais poidan incluír as demandas das súas cidades no programa electoral.

A militante do círculo de Podemos en Ames, Vanessa Martín, expuxo as propostas relativas aos sistemas de primarias nunha posible coalición, destacando a petición de primarias en cada un dos partidos.

Por último, a secretaria de economía de Podemos Galicia, Marlene Pérez, achegou as ideas das bases en materia de construción de programa colaborativo, nas que se fixo fincapé na importancia das memorias económicas e a viabilidade dos propostas.

Tras a presentación dos resultados das asembleas provinciais, a secretaria de equidade e xustiza social, Ana Pérez, explicou o efecto da lei electoral nas circunscricións de Galicia, e o membro do consello cidadán autonómico, Angel Gey, membro tamén do colectivo Pleademar, fixo un relatorio sobre a participación dos movementos sociais no cambio político.

Tras as presentacións foi a quenda do debate, no que se deron máis de cincuenta intervencións de persoas da militancia sobre as distintas posibilidades que se abren na asemblea cidadá telemática que se inicia mañá domingo.

Este debate deu paso a unha votación, non oficial, na que se pretendeu pulsar o sentir dos presentes respecto das posibles opcións para concorrer aos comicios de outono. Aínda que máis da metade dos asistentes xa abandonaran a reunión, participaron na votación cento noventa e dous (192) persoas, das que cento cincuenta e seis manifestáronse a favor da concorrencia de Podemos ás eleccións coa súa propia marca, mentres que só trinta e seis (36) apostaron por facelo baixo a insignia de En Marea.

PODEMOS GALICIA CONVOCA A SÚA ASEMBLEA CIDADÁ.

A consulta ás bases terá lugar entre o día trinta e un de xullo e o dous de agosto. A pregunta acouta as opcións a dúas: concorrer en solitario ou en alianza con outras forzas políticas e sociais.  

Podemos Galicia concretou esta tarde o formato final e as datas en que se celebrará a Asemblea Cidadá –votación telemática– que decidirá a forma en que a formación política concorrerá ás eleccións autonómicas do próximo outono. 

A pregunta que se plantexará aos máis de vinte mil inscritos e inscritas terá o formato seguinte: 

PREGUNTA: Como queres que concorra Podemos ás eleccións galegas?

RESPOSTA A: En alianza electoral con outras forzas políticas e sociais do cambio (como Esquerda Unida, Anova ou as Mareas).

RESPOSTA B: En solitario. 

Pechada a pregunta definitiva, esta será sometida ás bases nunha consulta telemática (Asemblea Cidadá), que se celebrará entre os días trinta e un de xullo e dous de agosto do presente ano.

Otros articulos relacionados.....