Información
Agenda de Galicia

O gañador do Volante Deputación poderá participar totalmente de balde na edición número 40 do Rally San Froilán pilotando un Suzuki Swift Copa, dentro do equipo PTC

Información
Localidades de Galicia 14 Septiembre 2018 1593 votos

Mañá comeza a 7ª edición do Volante Deputación no Circuíto da Pastoriza IMG01

O Deputado de Deportes, Pablo Rivera Capón, lembrou que mañá sábado, día 15, comeza a sétima edición do Volante Deputación, no Circuíto da Pastoriza. Trátase dunha actividade promovida polo Executivo Provincial, cunha achega de preto de 17.000 euros, que pretende achegar e formar aos lucenses no mundo do motor.

 

Esta iniciativa, que a Deputación puxo en marcha no ano 2012 conxuntamente co Concello da Pastoriza e Escola PTC (Escola de Perfeccionamento e Técnicas de Condución), brindou xa a oportunidade a 6 lucenses de correr o seu primeiro rally e ao longo de 6 edicións reuniu a máis de 1.000 afeccionados do mundo do motor que recibiron formación en condución segura.

O Deputado explicou que “esta actividade pretende achegar a calquera persoa sen experiencia o mundo da competición automobilística, vivindo desde dentro un rally como o San Froilán, ademais, todos os inscritos poden formarse para ser uns condutores máis hábiles e seguros”.

Rivera Capon lembrou “o compromiso do Goberno da Deputación cun deporte con tanto arraigo e importancia na nosa provincia, o que leva a que sexamos a primeira administración que pon á disposición dos nosos pilotos axudas e formación”.

O VII Volante Deputación

A selección, que terá lugar os días 15 e 16 se setembro no circuíto da Pastoriza, contará coma en anos anteriores, con dúas fases diferentes. A primeira será de formación, nela todos os participantes recibirán un curso de técnicas de condución seguras e de competición. Tras esta fase, levarase a cabo unha primeira selección de 14 pilotos semifinalistas a través dunha proba cronometrada. Os semifinalistas continuarán coa formación e disputarán unha cronometrada final da que sairán os tres pilotos máis veloces. O primeiro deles poderá participar no 40 Rally San Froilán, que se celebrará entre os días 27 e 28 de outubro, pilotando un Suzuki Swift Copa. Antes da proba recibirá, xunto cos outros dous finalistas, unha formación específica de competición para poder afrontar a proba con todas as garantías. Rematado o proceso integrarase ó piloto titular no equipo PTC para participar no Rally.



Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi