Información
Agenda de Galicia

O BNG pide unha asistencia masiva á manifestación contra a mina de Touro-O Pino prevista para o 10 de xuño

Información
Localidades de Galicia 03 Junio 2018 1280 votos

O BNG apoia a manifestación convocada contra o proxecto de megaminería de Touro pola Plataforma veciñal Mina de Touro-O Pino, NON para o vindeiro 10 de xuño en Santiago de Compostela, para dar na rúa unha resposta contundente a un proxecto que considera letal para a Ría de Arousa.

 

Por iso, a deputada por Pontevedra, Montse Prado, interpelará no pleno da vindeira semana á conselleira do Mar para que atenda o clamor social da veciñanza e dos concellos da Ría de Arousa contra un proxecto que pode resultar catastrófico para sectores económicos estratéxicos na comarca.

“Para o sector do marisqueo e da pesca pode ser letal, e a Xunta alega que se trata dunha cuestión técnica pero non é ese o contexto senón que estamos ante unha decisión política, a cuestión é se o Goberno aposta por defender un sector estratéxico para esta ría ou por defender a unha empresa espoliadora que non vai deixar nada máis que contaminación e que só busca o seu lucro”, salientou Prado.

A parlamentaria considera que, lonxe de tratarse dunha decisión técnica como intenta trasladar o Executivo, é unha decisión política e, neste sentido, insta ao Goberno galego a usar as prerrogativas que ten para dar carpetazo a un proxecto contaminante que non aporta nada positivo.

“Imos emprazar a Xunta a que utilice a figura de Advocación de competencias para que sexa directamente o Goberno galego no consello da Xunta quen tome a decisión, porque se trata dunha cuestión clave para toda a ría de Arousa, que sexa a totalidade do Executivo, o presidente ou calquera consellería quen tome a decisión que debe ser política e non técnica porque o proxecto é unha bomba de reloxería”, salientou Prado.

Este proxecto de megaminería, que a deputada sintetizou como “colle o cobre e corre”, suporía reabrir e ampliar en 2.000 hectáreas unha explotación de cobre a ceo aberto que implica a mobilización de miles de toneladas de terra e a utilización de materiais tóxicos que se filtrarían ao terreo e aos cursos de auga da mina, que de aí drenan ao Río Ulla e chegarían á Ría de Arousa. Ademais, implica a construción dunha balsa de lodos de 80 metros e alto asentada sobre simples lonas de plástico.

“A explotación da mina será unha auténtica autoestrada de contaminantes cara a ría, e ante un accidente, a catástrofe alcanzaría a ría de Arousa en media hora con que iso implicaría para o sector da pesca e do marisqueo”, alertaba Prado.

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 

Otros articulos relacionados.....