Información
Agenda de Galicia

Porto do Son, Carnota, Laxe, Oleiros, Ares e Valdoviño acollerán este verán os cursos da campaña de vela

Información
Localidades de Galicia 09 Mayo 2018 600 votos

Os concellos de Porto do Son, Carnota, Laxe, Oleiros, Ares e Valdoviño acollerán este ano, entre o 2 de xullo e o 10 de agosto, os cursos da campaña de vela 2018 da Deputación da Coruña. Neles poderán participar rapaces e rapazas entre os 9 e os 18 anos, ambas idades incluídas, pertencentes ao ámbito comarcal de cada un dos concellos que serán sede da actividade.

 

A rapazada interesada en participar nos cursos deben formalizar a inscrición no seu concello, entregando a ficha de inscrición que, a partir de mañá, pode descargarse da páxina web da Deputación da Coruña (www.dacoruna.gal/deportes ), debidamente cuberta e asinada polos pais ou titores dos solicitantes. A cota de inscrición será de 25 euros.

Nos cursos, que terán unha duración dunha semana en quendas de mañá (de 10 a 14 horas) e de tarde (de 16 a 20 horas), realizarase unha iniciación aos principais conceptos teóricos e prácticos da navegación a vela, así como un curso básico da elaboración de nós mariños. A incorporación e regreso ás instalacións náuticas onde se desenvolverán os cursos correrá por conta dos participantes.

As quendas dos cursos e os correspondentes prazos de inscrición, que comezarán o 1 de xuño, son os seguintes:

QUENDAS

CONCELLO

PRAZO INSCRICIÓN NO CONCELLO

1ª quenda: do 2 ao 6 de xullo

PORTO DO SON

Antes do 20 de xuño

2ª quenda: do 9 ao 13 de xullo

CARNOTA

Antes do 27 de xuño

3ª quenda: do 16 ao 20 de xullo

 LAXE

Antes do 4 de xullo

4ª quenda: do 23 ao 27 de xullo

OLEIROS

Antes do 11 de xullo

5ª quenda: do 30 de xullo ao 3 de agosto

ARES

Antes do 18 de xullo

6ª quenda: do 6 ao 10 de agosto

VALDOVIÑO

Antes do 25 de xullo



Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi