Información
Agenda de Galicia

O Curruncho Pop arranca esta semana coa forza interpretativa de MJ Pérez, Alasdair Roberts e Larkhill

Información
Localidades de Galicia 13 Marzo 2018 713 votos

Xa está aquí o Curruncho Pop máis internacional! Arrancamos esta semana cunha proposta tripla que nos trae toda a forza interpretativa de MJ Pérez, Alasdair Roberts e Larkhill.

 

Recuperada xa da gripe que lle impediu actuar a semana pasada, MJ Pérez segue sendo a primeira da lista do Curruncho Pop 2018. Natural de Arzúa, toca a guitarra desde moi nova e descubre un xeito diferente de expresarse creando as súas propias cancións. No ano 2013 publicou o seu primeiro traballo, Ollos que non ven, síntoma de cegueira, e este mércores 14 presentará en Carballo o último, Casandra, un disco que marca un antes de un despois desta cantautora, xa que, sen deixar de lado a súa esencia, a artista explora novos camiños e estilos no eido musical.

MJ Pérez, unha das voces emerxentes da música galega actual, estará na Biblioteca Rego da Balsa ás 19.30 horas para presentarnos Casandra e para interpretar as súas cancións acompañada pola súa banda.

Os/as seguidores/as do Curruncho Pop terán o sábado unha nova oportunidade de gozar da música de bandas alternativas de dentro e fóra do noso concello.

Dos de dentro contaremos con Larkhill, o grupo carballés formado por Pablo Moreira (guitarra), Daniel López (baixo), Gonzalo Fernández (guitarra) e Alita (acordeón), que interpreta un folk escuro e moi persoal. Teñen publicado en bandcamp o EP Earth Communitas, e están a piques de sacar o seu primeiro longa duración.

E desde fóra chegará o músico escocés Alasdair Roberts, toda unha lenda do folk. Lanzou varios álbums baixo o nome Appendix Out e, desde 2001, baixo o seu propio nome. Tamén é coñecido polas súas frecuentes colaboracións con outros músicos como Will Oldham, Jason Molina, Gerard Love ou Isobel Campbell, e tamén por ser membro do grupo folk The Furrow Collective.

A entrada a todos os concertos será de balde, pero, debido ás limitacións do aforo, será preciso reservar con anterioridade a través do teléfono 981 758 580. Só se reservarán un máximo de catro pases por persoa.

baner denuncia sistemajudicialcorruptoO sistema xudicial é pouco confiable segundo a maioría dos españois. Esta malfunción débese, principalmente, á impunidade dos funcionarios (policías, fiscais e autoridades xudiciais) e dos profesionais privados: avogados, procuradores e os colexios profesionais de ambos.
Esta disfunción xudicial esnaquiza a vida de demasiadas vítimas e ANVIPED foi creada en 2014 para defenderlles e así acabar con esta impunidade da que deriva o seu mal funcionamento.
Debemos crear asociacións para defendernos da "violencia que exerce o Estado" (Foro Social Mundial, 2011) Os xuíces españois case nunca cumpren a lei, polo que só traballamos en casos que incumplan leis europeas (dereito comunitario) para levalos ao Tribunal de Xustiza Europeo...(+)   ¡¡¡ Únete a nos !!!


 


Otros articulos relacionados.....