Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

A cita, que se celebrará en Combarro, porá o foco no patrimonio local e na atención á diversidade

O Museo de Pontevedra convertiuse este venres en foco de atracción para os amantes da cultura marítima

tradicional

. Foi con motivo do acto de presentación do XIII Encontro de Embarcacións Tradicionais de

Galicia. Un evento bianual organizado pola Federación Galega pola Cultura Marítima e Fluvial Culturmar;

que do 29 de xuño ao 2 de xullo se esforzará por elevar o carácter mariñeiro de Combarro ao seu máximo

expoñente. Serán catro días ateigados de actividades, diurnas e nocturnas, ligadas ao mar, a etnografía e

o patrimonio. Un completo programa que hoxe tivo o seu primeiro anticipo na conferencia “O mar na

historia de Galiza”, impartida polo historiador Bernardo Máiz.

As embarcacións tradicionais de Galicia, e de parte do estranxeiro, xa teñen ben anotadas nas súas

respectivas bitácoras as coordenadas de Combarro. E é que nese porto do concello de Poio agárdase que

se dean cita en pouco máis dun mes arredor dun cento de dornas, bucetas, racús, galeóns, botes,

chalanas e gamelas. Unha ampla representación do catálogo de barcos tradicionais de dentro e fóra das

fronteiras galegas, que durante catro xornadas consecutivas converterá o peirao da vila dos piornos nun

espectacular museo ao aire libre.

A vinculación de Bernardo Máiz co mundo do mar ven de lonxe; e, ademais de contar cun bo número de

ensaios e traballos de investigación publicados, ao historiador tamén lle tocou no seu día dar forma a un

Encontro. Concretamente ao celebrado en Ferrol no 2007; ano no que presidía o Clube Maritimo desa

cidade. Así as cousas, non é de extrañar que a xunta directiva de Culturmar decidise contar con el para dar

oficialmente o pistoletazo de saída á conta atrás cara á próxima cita de Combarro.

A conferencia “O mar na historia de Galiza” foi o primeiro anticipo dun Encontro que, tal e como se

encargaron de explicar o voceiro da xunta directiva de Culturmar, Manuel Sendón; e o presidente do Club

Mariño A Reiboa de Combarro, Xaquín Fabeiro; ofrecerá ao público exposicións, mostras, obradoiros,

proxeccións audiovisuais, encontros músico-poéticos, actividades infantís a actuacións musicais diurnas e

nocturnas. Un amplo programa de actividades que tamén porá o foco na riqueza local, para ofrecer

roteiros e visitas guiadas polos lugares de maior interese natural, histórico e patrimonial do concello de

Poio.

Sesións de navegación adaptada

Ao listado de actividades en terra que se desenvolverán en Combarro do 29 de xuño ao 2 de xullo hai que

engadir tamén as que se realizarán sobre a lámina de auga. As xornadas de navegación serán, como non

podía ser doutro xeito, un dos puntos fortes. E é que será unha oportunidade única de contemplar a ría de

Pontevedra como lucía antano, antes da chegada dos barcos a motor: surcada de velas enchidas polo

vento.

Pero o certo é que, máis aló de visibilizar a riqueza patrimonial que representa a flota tradicional galega, a

intención da organización é achegar a experiencia da navegación a todos os públicos. É por iso que o

programa incluirá actividades e saídas especialmente dirixidas e pensadas para navegantes con

diversidade funcional.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..

#XulioFerreiro "Aterrado" ante a folga en plena campaña veraniega dos mueseos cede ante os traballadores por medo a que se extenda o malestar polas rúas de toda a cidade ante o malestar e crispación ciudadá

#XulioFerreiro "Aterrado" ante a folga en plena campaña veraniega dos mueseos cede ante os traballadores por medo a que se extenda o malestar polas rúas de toda a cidade ante o malestar e crispación ciudadá

Despois de varias reunións, a última o martes 16 de maio, o Concello da Coruña comprometeuse a alterar os pregos de condicións da licitación pública do servizo de mantemento dos...