Información
A Coruña

Carballo inicia un proceso de renovación encamiñado a situalo na vangarda empresarial de Galicia

Información
25 Octubre 2018 316 votos
1 1 1 1 1 1 1 1 1 1
Antonio Gómez, Juan Fernández, Evencio Ferrero e Milagros Lantes, na presentación da nova imaxe do polígono

Antonio Gómez, Juan Fernández, Evencio Ferrero e Milagros Lantes, na presentación da nova imaxe do polígono

O proceso de expansión do parque empresarial de Bértoa parece imparable, e nin a Asociación de Empresarios As Eiroas nin o Concello de Carballo queren deixar pasar de longo a oportunidade de crecemento industrial, e, polo tanto, da economía local e do emprego, que se nos presenta. Neste novo escenario, coa primeira fase esgotada e 80% do solo da segunda fase xa adxudicado, a estratexia conxunta dos concellos de Carballo, A Laracha e Arteixo para crear un eixo industrial forte vinculado ao Porto Exterior e a integración das dúas fases do polígono como un obxectivo máis viable, o empresariado aposta por un cambio de imaxe “que sirva de empuxe para situarnos aínda máis como referente galego”. Neste sentido manifestouse hoxe mesmo o secretario da asociación, Juan Fernández, no acto de presentación desa nova imaxe, no que estivo acompañado polo presidente da patronal, Antonio Gómez; o alcalde, Evencio Ferrero, e a concelleira de Planificación e Desenvolvemento Urbano, Milagros Lantes.

 

Novo logotipo

Novo logotipo

O cambio de imaxe empeza polo nome, Polígono de Carballo, e o logotipo, “un deseño moderno que busca reflectir o espírito dinámico e emprendedor das empresas do noso polígono”, sinalou Juan Fernández. A medio camiño entre a árbore que é o símbolo do noso concello e un botón de “on” que representa a actividade que se desenvolve no complexo, ese logo vén acompañado por unha nova páxina web e a presenza do Polígono de Carballo nas redes sociais para mellorar non só a comunicación interna, “senón tamén coa sociedade no seu conxunto”, explicou o secretario.

"Non debería darse o caso de que unha empresa que queira instalarse en Carballo non poida facelo por falta de solo industrial", manifestou Evencio Ferrero

O alcalde destacou o importante papel que está a cumprir o noso concello como foco de atracción de empresas do sector industrial, cunha gran capacidade para xerar emprego e tamén o nacemento de auxiliares. Todo iso reflíctese xa nun “polígono vivo” e “cun fluxo de tráfico considerable”, apuntou Evencio Ferrero. Se á situación actual se lle engade esa estratexia compartida con Arteixo e A Laracha para visibilizar este eixo industrial coma “unha zona de claro de desenvolvemento e oportunidades de creación de industria e de emprego”, a ampliación do solo industrial non pode demorarse máis“. Todos temos claro _manifestou Evencio Ferrero_ que non debería darse o caso de que unha empresa que queira instalarse en Carballo non poida facelo por falta de solo industrial. Xa ocorreu no pasado e non queremos que se repita”.

lineaazul 1600

Otros articulos relacionados.....


Esquema dos conos proxectados durante unha eclipse. Foto:...

PECHADO O CUARTO DE CONTENCIÓN
Días antes de que no Obelisco...

Esta mañá presentouse na sala de reunións da casa do Concello...

El próximo domingo 20 de enero el Club Waterpolo Pontevedra se...