Información
A Coruña

308 os niños de avespa velutina retirados polo servizo municipal de control de pragas no que vai de ano

Información
01 Octubre 2018 89 votos
Algúns niños están aparecendo en árbores a moita altura

Algúns niños están aparecendo en árbores a moita altura

O servizo municipal de control de pragas leva retirados este ano 308 niños de avespa asiática, 72 menos que o ano pasado por estas datas. En setembro foron 89, exactamente os mesmos que no mesmo mes do 2017, aínda que nesta ocasión tamén foron atendidos cinco avisos que non se correspondían con velutina e 9 nos que non había niño.

 

Noutro caso, en concreto no lugar de Albeiro (Sofán), non se puido actuar por estar inalcanzable. De feito, boa parte dos niños están aparecendo en árbores a moita altura, o que obriga a utilizar a grúa con frecuencia. Un dos niños secundarios de grandes dimensións localizado no mes de setembro está expostos estes días dentro dunha urna na zona de espera das oficinas xerais do Concello, onde, por certo, está a provocar moita expectación.

Os teléfonos de aviso continúan operativos. As persoas que localicen un niño poden chamar ao 012 ou ao 112, desde onde darán aviso ao servizo municipal de control de pragas, pioneiro en Galicia. Unha vez máis insistimos na conveniencia de extremar as precaucións durante a realización de traballos nos sectores forestal e/ou agrario para evitar picaduras. Por iso:

  1. Antes de empezar a traballar, realizar un recoñecemento da parcela para comprobar que non existen niños. É frecuente que aparezan entre as silveiras.
  2. Se atopas un niño de velutina non te achegues nin lle toques, porque se sentirán atacadas. Chama ao 012 ou ao 112 para que acudamos a retiralo.
  3. No caso dun ataque fuxe o máis rápido posible e intenta refuxiarte nalgún lugar pechado coma o coche, protexe a cara e a parte de atrás do pescozo (teñen tendencia a picar nesa parte do corpo) e non fagas movementos bruscos. Se a atacada é outra persoa non te achegues, chama rapidamente ao 112. E se es alérxico procura levar sempre contigo a medicación precisa

Galicia: Por la dignidad de los medios públicos y privados "CORROMPIDOS" por el Partido Popular


 

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi